Bazeia ba publikasaun-AVIZU METEOROLOJIKU (WARNING) kona ba eventu extremu ne’ebe realiza husi Centro de Monitoramento e Previão de Tempo & CLima-DNMG/MTC iha loron 11/03/2024 ho nia validade to’o loron 16/03/2024 00:00 OTL, ohin DNMG hakarak atualiza bazeia ba observasaun hatudu katak KONDISAUN DINAMIKA ATMOSFERA NO TASI kontinua INSTAVEL, UDAN KONTINUA PERSISTE, maibe KOMESA REDUZ ONA NIVEL INTENSIDADE kompara ho loron hirak liuba iha teritoriu Timor laran tomak/principalmente iha rejiaun leste no sul ilha Timor, ANIN KONTINUA INTENSIFIKA IHA REJIAUN KOSTEIRAS/TASI IBUN (kosta norte & kosta sul): MANATUTU, BAUCAU, ATAURU, LAUTEM no COVALIMA varia entre 15-26 km/h) iha ne’ebe IFLUENSIA MOS LALORAN TASI A’AS (kosta norte varia entre 0.9-1.4 no kosta sul 1.0-1.4 metru), exetu iha RAEOA, DILI, LIKISA no BOBONARO mak Anin no laloran tasi sei dezintifika/diminui iha loron hirak tuir mai.
Eventual ne’e hetan influensia husi fator meteorolojiku sira hanesan: Baixa presaun (fini tropical) no iha potensia hodi dezenvolve ba Siklone tropikal ne’ebe observa hela iha TASI SAUMUDRA INDIA-PARTE SUDUOESTE HUSI BANTEN INDONESIA no sei desloka ba parte Oeste Australia nian iha proximu 24 horas, alem ne’e observa mos baixa presaun ida, ne’ebe lokaliza iha tasi norte Austrlia nian, enkuantu Onda Ekutorial Rosby no kelvin inklui OMJ/MJO kontinua ativa nun’e kontribui ba instabilidade atmosferika refere.
Relaciona ho baze iha leten maka, DNMG kontinua APELA ba komunidade hotu em jeral liu-liu sira ne’ebe lokaliza iha fatin risku ba dezastre hidrometeorolojiku sira atu TAU NAFATIN ATENSAUN ba eventual hirak ne’e. Apela mos ba maluk peskador sira/komunidade ne’ebe lokaliza besik tasi ibun atu toma ATENSAUN nune’e evita ita husi dezastre ne’’ebe ita la espera.
Emitidu: 13/03/2024 15:30 no Validade: 17/03/2024 00:00 OTL
