Ministério dos Transportes e Comunicações (MTC), liu husi Direção Nacional de Meteorologia e Geofísica (DNMG), hakarak informa ba publiku relaciona ho informasaun ne’ebe espalha iha média social no desde horseik DNMG simu kontaktu no mensagem kona ba eventu ASTRONOMIKA hanaran Eklipse Solar Total nebe’e sei akontece iha loron 8 fulan abtrl tinan 2024. Iha biban ne’e DNMG hakarak atualiza ba publiku katak “Informasaun eventu ASTRONOMIKA” atu akontese ne’e LOS/VERDADE, maibe akontese apenas ba NASAUN SIRA IHA KONTINENTE AMERIKANU (nasaun sira nebe’e sei experimenta eventual refere mak hanesa hatudu iha imagem anexu) no iha restantes nasaun sira iha mundu sei la hetan inklui ILHA TIMOR.
DNMG-MTC iha papel importante atu analiza, verifika no interpreta hafoin publiku informasaun relaciona ho eventual natureza sira hanesan (Eventu Meteorolojiku, Klimatolojiku, Astronomiku, etc), bainhira ita monitora, analiza no verifika evenual natureza sira ne’ebe akontese iha Timor-Leste ka akontese iha rejiaun ne’ebe besik no nia influência mai ilha Timor-Leste) maka DNMG sei update, enkuantu akontese iha fatin seluk no influência mos iha fatin seluk DNMG sei la halo publikasaun.
Tamba ne’e husu ba publiku atu esklui informasaun nebe’e mai husi fontes ne’ebe la klaru ka la kredivel liga ho eventual natureza sira.
Ba publiku nia atensaun no konsiderasaun tomak, ami hato’o obrigado wa’in.
