ATENSAUN BA UDAN⚠
Iha munisipiu balun durante FIM DE SEMANA hanesan tuir ma ne’e:
(BOBONARO, ERMERA, MANATUTO, MANUFAHI no VIQUEQUE).
MTC-DNMG, Liu husi ekipa previzaun tempu no eventu extremu, hakarak informa ba komunidade em jeral iha teritoriu Timor laran, katak kondisaun tempu atmosferika sei kontinua instavel durante FIM DE SEMANA ne’e nia laran, iha ne’ebe sei kontinua favorese UDAN, maibe ho intensidade ne’ebe reduz/diminui ona husi FRAKU-MODERADU/NATON, tantu iha rejiaun Kosteiras kuantu rejiaun montanhosas/foho sira kuaze iha territoriu nasional. Detallu bele hare iha (tabela) anexu.
⚠⚠ ATENSAUN ESPESIAL BA ANIN IHA KOSTEIRAS⚠ ⚠
(KUAZE IHA TERRITORIU NASIONAL), Tantu iha KOSTA NORTE no SUL kuantu iha rejiaun CENTRAL.
Velosidade ANIN ba fim de semana ne’e nia laran sei intensifika hodi varia husi MODERADU/NATON to’o FORTE (16-23 km/h), tanba hetan influensia husi MONSAUN AUSTRALIA ne’ebe mak agora daudauk iha fase ATIVA. Enkuantu laloran tasi nia A’AS durante semana nia laran sei varia husi (0.7-1.0m) iha KOSTA NORTE no iha KOSTA SUL sei varia husi (1.0-1.3m).
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona previzaun Tempu husi DNMG Timor-leste.
*Bulletim emitidu : 19/04/2024 (17:27 OTL)
*Bulletim Validu : 22/04/2024 (00:00 OTL)
#CENTRO DE MONITORAMENTO E PRVISÃO DE TEMPO E CLIMA DNMG-MTC#
