Manufahi Sekretária estadu Igualidade no inkluzaun (SEII) estabeleze sentru Empoderamentu ba igualidade no inkluzaun sosiál iha munisípiu Manufahi.
Sekretária estadu Igualidade no inkluzaun Maria José da Fonsega Monteiro de Jesus hateten objetivu estabeleze sentru empoderamentu ne’e atu fasilita grupu feto 43 ne’ebé harí ona iha Manufah, hodi konsentra planu hamutuk no produtu lokál ne’ebé grupu feto sira produz hodi hetan rendementu ekonómia grupu no familia,Dehan Nia Iha Admistrasaun munisipiu Manufahi Quinta (17/09)
Nia Hatutan nune’e bele hamenus ona problema sosiais hanesan violénsia domestika iha uma laran,
Alende Nee SEII mós rekoñese katak durente ne’e grupu feto hamutuk 400 iha munisípiu 12 inklui RAEO maka hetan apoiu finanseiru husi SEII iha tinan 2017, maibe la to’o porsentu 50 maka grupu sira hetan suksesu,
tanba la’os fainlasu husi grupu sira maibe husi SEII rasik tanba la halo akumpañamentu no monitorizasaun regulár ba grupu sira ne’ebé hetan ona apoiu
Nia Sublinha Baseia ba failansu ne’ebé mosu SEII hadia ona sistema balun no tuir planu sei aumenta formasaun inklui halo akompañamentu nune’e grupu sira ne’ebé hetan apoiu finanseiru husi governu bele uza tuir kritéria ne’ebé iha.
Fatin hanesan presidenti konsellu administrasaun asosiasaun empoderamentu feto ba igualidade no inkluzaun Manufahi Sinhorina da Costa, agradese ba SEII ne’ebé estebele ona sentru empoderamentu ba grupu feto sira iha Manufahi, hodi bele ajuda grupu feto sira iha postu administrativu fatin 4 hodi faan sira nia produtu lokál ne’ebé grupu sira produs, nune’e bele hasa’e rendementu grupu nian tanba durante ne’e la iha sentru empoderamentu prejudika grupu sira la konsentradu.
Iha Parte Seluk admnistradór Musisipiu Manufahi Arantes Isaac Sarmento, ne’ebé asume mós núdar kordenadór grupu traballu Jéneru munisípiu Manufahi agrade ba SEII bele responde ona preukupasaun grupu feto sira iha Manufahi , hodi harí ona sentru empoderamentu iha Manufahi atu bele fasilita diak liu tan feto sira hodi halo negósiu nune’e bele hamenus problema violensia domestika iha uma laran.
Administradór sujere ba SEII atu kontinua fó formasaun ba grupu feto sira nune’e sira bele maneiza diak liu tan sira nia grupu hodi halo atividade negosiu ba produtu ne’ebé grupu sira produz.
Entretantu partisipa iha lansamentu sentru empoderamentu ne’e komandante Polisia Manufahi presidenti AFMADEM diretör liña sektorál sira inklui grupu feto iha Manufahi.( ESM)
