Manufahi RKM News___ Foinsa’e atu Sai Nain Ba Dezenvolvimentu Iha Manufahi tenki Esforsu an liu husi aprende no labele tur nonok deit iha fatin, lia hirak ne’e hato’o iha Enkontru Distribuisaun Sertifikadu iha Salaun Francisco Xavier Do Amaral (CEFOBOM) ( Segunda/31/05).
Administrador Munisipiu Manufahi Arantes Isac Sarmento hateten Foinsa’e tenki aprende maka’as hodi muda an no bele kontribui ba dezenvolvimentu nasaun Timor Leste, tanba ne’e labele tur nonok iha fatin maibe tenki esforsu hodi bele compete.
Hanesan Servidor ba Povu iha Manufahi Enkoraja nafatin foinsa’e sira atu labele uza tenpu hodi halimar maibe tenki aproveita oprtunidade atu aprende ho diak hodi hakat ba oin tanba nasaun sei labele hakiduk ona ba kotuk,maibe Nasaun tenki avansa ba oin. Tenik Administrador
Arantes Sublina Tempu ba kotuk liu lahanesan ohin loron, uluk kuaze ita hatene deit ba Eskola no laiha tempu ruma atu aproveita maibe agora ita sai ona Nasaun Indenpendente iha ona fasilidade bele utiliza,ho ida ne’e hanesan Foinsa’e tenki uza oportunidade ho diak hodi aprende tanba matenek bele iha teoria maibe esperiensia hodi pratika maka importante liu ba dezenvolvimentu Rai ida ne’e…Hakotu Administrador .
