Manufahi RKM News=====Presidenti komisaun regúladora Arte marsiaís (KRAM) munisípiu Manufahi, apela ba komunidade tenki fíar estadu Timor leste hodi partisípa iha vasinasaun astraZeneca.
Presidenti KRAM munisípiu Manufahi, Adriano Corte-Reál hanesan konselleiru komisaun task-force covid-19 munisípiu Manufahi,hato’o asuntu ne’e ba komunidade sira iha serimónia distribuisaun sasan nesesídade bázika ba família afetadu dezastra naturais uma ka’in 19, husi suku Bubusus no Suku Fahinehan postu administrativu Same, hateten, dadaun ne’e mosu azitasaun politika oin-oin iha komunidade nia le’et kona ba vasínasaun AstraZenenca.
‘’ polítika na’in balun dehan vírus ne’e la iha, maibé estadu no governu konsidera vírus ne’e iha, tanba ne’e estadu no Governu preukupa povo Timor leste ninia vída no sosa aimoruk vasínasaun AstraZeneca, hodi salva povo Timor leste nia vida husi ameasa vírus Covid-19, tanba vírus covid-19 hamate ona ema tokon ba tokon iha mundu.
Líder polítiku Munisípiu Manufahi Adriano Corte-Reál, husu komunidade sira ne’ebé seidauk hetan vasínasaun, atu hakbesik-an ba postu vasínasaun ne’ebé estabelese ona hodi hetan vasínasaun, nune’e bele salva-an husi pesti covid-19.afirma Presidanti KRAM Ba RKM iha kuartel PNTL munisípiu Manufahi kuarta-feira (23/06) horsehik
Entretantu tuir diretóra Saúde munisípiu Manufahi Florençia Corte-Reál Tilman relata, dadaun ne’e komunidade sira iha munisípiu Manufahi, antuziásmu hodi partísipa iha prosesu vasínasaun ne’ebé dadaun ne’e hala’o iha postu administraivu Same, Alas, Fatuberliu no Turiscai(esm)
