Manufahi RKM News ===== Komemorasaun loron konsulta populár loron 30 fulan-Augustu tinan ne’e sei realiza atividade disportu kopa Manufahi.
Administradór munisípiu Manufahi Arantes Isaac Sarmento tersa-feira ohin informa katak iha fulan-Augustu tinan ne’e iha atividade importante tolu maka realiza iha munisípiu Manufahi, vizíta súa exelénsia Presidenti da repúblika, atividade ida seluk komemorasaun loron levantamentu 20 Augustu 1982 iha suku Rotuto no komeorasaun loron konsulta populár 30 de Augustu.
Tuir Arantes katak komemorasaun loron konsulta populár ne’e sei priénse ho atividade disportu kopa Manufahi nian iha tempu badak sei halo ona abertura, iha mós atividade bola voly no bola basket, inklui jogu tradisional kalík, proposta ba atividade hirak ne’e munisípiu aprezenta ona ba sekretariu estadu joventude no disportu kuandu hetan ona aprovasaun bele hahú ona realiza.(RKM)
