Manufahi RKM News -Komemorasaun loron Nasional 28 De Novembru ba Dala 46 iha luak Manufahi harame ho Atividade feira hanesan fa’an produtu lokal, Jogu bola guling no futo Manu, atividade hirak ne’e hahu iha loron 15 fulan outubru no sei remata iha loron 30 fula Novembru.
Tuir Administrador Munsipiu Manufahi Arantes Isac sarmento ba Jornalista sira hateten Atividade seluk hanesan desporto futebool kopa Manufahi ne’ebé agora dadaun ne’e kontinua la’o hela desporto voli feto no mane inklui seremonia isar bandeira realiza mós Atrasaun Jogu Tradisional fekit kaleik inklui kuiz kona ba loron istóriku nian ba Estudante sira.
Fatin hanesan komonidade suku Daisua Evanjelina sarmento no Karminda Doutel sarmento informa senti kontenti ho feria ne’ebé loke hodi Nune’e harame nafatin parquet Dom Boaventura luak Manufahi no sira mós bele hetan rendimentu oituan hodi sustenta sira nia moris lor- loron.
Nune’e mós Joven Suku Daisua Joaquin gonsalves corte-real hateten Manufahi la hanesan ho Munisipiu sira seluk tamba kada tinan sempre komemora iha luak no hanesan Joven senti kontenti bele partisipa iha komemorasaun ida ne’e.
Nia subliña husu ba Ministeriu Turismu atu Desenvolve fatin históriku luak ho diak tamba luak hanesan fatin Istóriku ida ne’ebé konesidu liu iha Timor- Leste liliu iha Munisipiu Manufahi.
Entretantu Orsamentu ne’ebé apoiu hodi komemora loron Nasional 28 De Novembru ne’e ho montante $1.500.00 no posto Administrativu sira hanesan Alas,Fatuberlihu no Turiskai hetan apoiu osan ho montante $ 750.00(Ekipa RKM)
