Manufahi RKM News -Segunda feira ne’e (18/07) Administrasaun Estatal ho UNDP realiza seminar Hakbi’it feto foinsa’e ba Dezenvolvimentu lokal iha salaun Administrasaun Munisípiu Manufahi.
Gestor Programa Dezenvolvimentu lokal Bernadino pereira hateten United Nation Development Programm (UNDP) servisu hamutuk ho ministério Admistrasaun Estatal ba 12 munisípiu inklui Raeoa no Atauru hodi hare ba iha Programa Governasaun oinsa atu bele ajuda Governo iha prosesu Desenvolvimentu lokal no mós Desentralizasaun.
“ ho programa ida ne’e oinsa atu haforsa kbi’it Instituisaun no Autoridade Munisípiu iha Timor laran tomak no programa ne’e apoiu husi UE ho UNDP.
Presidente Afmadem Leila da Costa hato’o agradese bele partisipa iha formasaun ne’e hodi hasa’e abilidade feto hodi nune’e bele partisipa mós iha Desenvolvimentu Munisípiu.
Fatin hanesan Administradór Munisípiu Manufahi Arantes Isac Sarmento hateten formasaun ne’e inportante tebes hodi haforsa maluk feto sira no ema ho difisiensia ho foinsa’e sira kona ba polítika desentralizasaun .
“ Polítika desentralizasaun ne’e atu lori servisu iha nivel sentrál no mai iha nivel Munisípiu no direita ba komunidade.
Entretanto partisipa iha seminar ne’e husi Assosiasaun feto Manufahi, Veterana Ema ho difisiensia, lider partidu polítiku inklui directores liña ministeriais sira iha Manufahi.(Ina Araúju)
