Manufahi RKM News – Segunda feira ne’e(18/07) Asosiasaun halibur Defisiensia Timor– leste Realiza sosializasaun ba komunidade no Autoridade suku Letefoho hodi halakon diskriminasaun ba ema ho difisiensia iha Aldeia Ailuli Suku Letefoho Munisípiu Manufahi.
Diretor Ezekutivu halibur difisiensia Gabriel de Sousa hateten sosializasaun ne’e atu hasa’e konsiensia komunidade no líder komunitaria sira atu halakon diskriminasaun ba ema ho difisiensia li-liu ba ema ho difisiensia matan atu nune’e ema hotu-hotu bele hatene no intende didiak asuntu ema ho difisiensia no bele mós inklui ema ho difisiensia ba iha atividade suku nian.
Fatin hanesan xefi Aldeia Ladiki Martinho da Silva Mendonça informa sosializasaun ne’e di’ak tebes atu hanorin ita hodi uza termolozia ho loloos ba ema ho difisiensia no informasaun ne’e sei sisializa fila fali ba komunidade sira hodi uza termolozia ne’ebé lós ba ema ho difisiensia .
Entretantu sosializasaun ne’e hala’o uluk iha suku Letefoho no sei kontinua ba suku Betano no suku tolu seluk hanesan Holarua, Babulu no Grotu no sei remata iha postu Administrativu Turiskai.(Ina Araúju)
