Manufahi RKM News–Tersa feira (04/10) ohin, Asosiasaun Movimentu Kablaki Timor Leste (AMKTL) hamutuk ho Administardór Manufahi Lansa Atividade Distribuisaun Materiál no Fini Haki’ak animál No Ai oan ba Grupu Agríkultór 8 iha Same ho Tema ” promóve prátika agro-Ekoturizmu, no pekena industria, hodi asegúra resillensia iklima, siguransa ai-haan no aumenta rendementu familia iha
Iha Lansamentu ne’e Kordenadór programa AMK-TL Agripino Marshal hataten, distribuisaun animal hakiak, Fini modo, ai-horis inklui fasilidade sira hanesan ensáda,karau-dikur,mangeira, kalen, no redi.
“Grupu Agríkultór hamutuk 15 iha Munisípiu Manufahi, ne’ebé AMK-TL instala kompostu grúpu 11 iha postu Same, grupu 2 iha postu Turiscai no grupu 2 iha postu Alas, maibé ohin distribui de’it ba grúpu 8 iha postu Same nian Maibe reprezentante Postu rua hanesan Alas no Turiskai ”
Grupu hirak ne’e hetan apoiu hanesan, grúpu pikuaria no hortikultura, kompostu grupu pikuaria maka hanesan, grúpu hakiak bibi hetan apoiu fini bibi 5 kada grúpu, grupu hakiak fahi hetan fini fahi 5 kada grúpu, grúpu hakiak manu hetan fini manu lokál 10 to’o 15 kada grúpu, no ba hortikultura kada grúpu hetan fini modo no ai-horis hanesan sabráka, rambutan no ai- figus inklui fasilidade hanesan kalen, redi,mangeira, ensada, karau dikur no garfu Nune’esira bele hadia fatin fini Animal sira nia.
Iha Lansamentu ne’e Administradór Munisípiu Manufahi Arantes Isaac Sarmento hateten apoiu hirak ne’ebé fó apoiu ba grúpu agríkultór sira, tenki simu ho respónsabilidade hodi hadia vida ekonomia iha grúpu no familia.
” tanba ne’e ho apoiu hirak ne’e grúpu agríkultór sira tenki hahú ona prodúz manu lokal, modo no aifuan, hodi bele faan ba konsomidór sira, nune’e bele hamenus ona importasaun prodútu sira husi rai li’ur.
Nune’e mo’s Diretúr agríkultura Munisipiu Manufahi, Aurelio dos Santos Marques agradese ba AMK-TL, ne’ebé kontribui hodi dezenvolve grupu agríkultór sira.
“agríkultura prontu servisu hamutuk ho parseiru dezenvolvimentu, hodi garantia sustentabilidade produsaun iha rai laran.
Fatin hanesan Delegada aldeia Lalika Elisa Beatriz da Costa no Kordenadór grúpu agríkultura kuda modo suku Betano, agradese ba AMK-TL fó apoiu fini no fasilidade.
Tamba nee Sira sei utiliza fasilidade no fini hirak ne’e hodi hadia moris grupu sira nian.
