Manufahi RKM News–Kuarta feira (05-10)ohin, Komandante Operasional Autoridade Protesaun Civil (APC) Munisípiu Manufahi Husu ba komunidade sira atu hadook a’an husi inundasaun no labele tesi ai Arbiru ou sunu rai Arbiru.
Iha ambitu ne’e komandante operasional (APC), inspektor polísia, Nivio Celestino J. Baptista iha intervista hateten, hahú husi fim de Setembru tama to Outubru tuir loloos ita tama iha tempu bailoro tanba ho mudansa klima ne’ebé akontese udan ho anin iha territóriu laran tomak tanba ne’e mak husi autoridade Protesaun Civil (APC) Munisípiu Manufahi atu alerta ba komunidade sira hotu atu nune’e komunidade sira bele hases an husi risku ne’ebé mak afeta mai ita nia vida.
“Tanba ne’e mak fo hatene ba komunidade sira hotu-hotu primeiru atu hases a’an husi mota no mós rai lolon sira atu nune’e labele ameasa ba ita nia vida, segundu alerta ba komunidade sira hotu iha Munisípiu Manufahi laran tomak atu labele soe foer arbiru ba iha baleta kuak sira atu nune’e bainhira udan tau bele hamosu inundasaun tanba foer sira labele la’o ho normál, Terseiru alerta ba iha komunidade sira ho konsiensia atu labele tesi ai arbiru sunu rai arbiru tanba husi tesi ai no sunu rai ne’e bele hamosu impaktu mudansa klima ba iha ita nia rain rasik”, Nia esplika.
Neduni atu avizu ba komunidade sira hotu-hotu akompana nafatin notisia mudansa klima ne’ebé mak fó sai husi diresaun nasionál metrolojia Timor-Leste atu nune’e ita hotu atensaun husi mudansa klimatika ne’ebé iha bele salva ita ida-idak nia vida.
“Nia sublina fatin ne’ebé mak ita indentifika ou fatin ne’ebé risku mak hanesan suku Betano, Sesurai, Loro, no mós postu administrativu Alas suku Uma Bereloik parte Kolokau ida ne’e mak bainhira tempu udan sempre hetan inundasaun iha ne’ebá no mós atu alerta nafatin ba parte sira seluseluk tan hanesan iha foho nian rai halai parte Turiskain no Fahinehan,” Nia hakotu.
Fatin hanesan Koordenadór Komite Jestaun Risku Dezastre Munisípiu Manufahi, Elizito da Costa Machado dehan, iha ne’e ai-han sufisiente tanba ita stok iha foin dadauk iha dia15 liu ba husi nasionál foin deskarega fos ho ai-han balu mai iha ita nia armazen provisoriu ida ne’e.
“provisoriu Ai-han ne’ebé mak sei iha armazen hanesan Fos (107) sak, Supramie (60) dos, Susuben (12) dos, Ikan sardina (58) dos, Biskuit kalen (13) dos, Mina (10) dos, depois iha Koto 157kg atu apoiu ba iha komunidade sira.”
Entertantu family kids agora dadaun iha unidade ho karon walu nulu (80) tanba ho balu nakles tia ona labele konta maibé konta de’it ida ne’ebé sei di’ak ne’e mak agora sei iha hela walu nulu (80).
Jornalista:Anteru
Editóra :esm
