Manuafahi RKM News===Embaixadór Uniaun Europeia ba Timor-Leste, Kordenadór Nasoens Unidas iha Timor-Leste, Ministériu Agrikultura Peskas, no Administrador Munisipiu Manufahi, kinta-feira (06/10) ohin entréga tratór-liman unidade 15, roller no atreladu ba Grúpu Agríkultór 8 iha suku Betano postu Same no suku Dotic postu Alas, no makina dulas batar unidade 3 ba GAg iha Betano, Dotic no Umaberloi hodi habelar konservasaun agrikultura (CA).
Iha serimónia intréga tratór-liman ne’ebé realiza iha suku Betano, Embaixadór Uniaun Europeia ba Timor-Leste,Marc Fiedrich hateten, Uniáo Europeia kontenti tebes servisu hamutuk ho Governu Timor-Leste, apoiu grúpu agríkultór sira ne’ebé invólve mós feto sira iha suku Betano,hodi hadia rendementu ekonómika familia iha Komunidade, ami iha kometmentu ajuda Komunidade agríkultór sira, atu adapta realidade mudansa klimátika sai Resillensia liu tan, inisiatíva pro-resillénsia II ne’ebé implementa ho FAO ho objetívu atu hadia siguransa a-haan no rendementu hadia vida agríkultór ne’ebé vulniravel liu iha Timor leste.
Diretora jeral Agrikultura no Irrigasaun, Maria Odete do Ceu Guterres, agradese ba Uniáo Europeia servisu hamutuk ho Governu Timor leste, implementa programa konservasaun agríkultura(CA) iha Timor leste, ajuda povu agríkultór sira iha Timor leste, no husi programa CA ne’e hatudu duni rezultadu di’ak, hodi hasa’e produsaun agríkula iha Timor leste, diretóra ne’e aprésia tebes ho kometmentu Administardór Munisípiu Manufahi nian, ne’ebé pro-ativu tebes hatudu seriadade ba implemensaun CA iha Munisípiu Manufahi hatudu rezúltadu di’ak.
Asistente FAO Paula Lopes da Cruz hataten, FAO hahú implementa programa ne’e iha tinan 2013 iha Munisípiu Manufahi, hanesan Munisipiu pioneru ba programa CA implementa ho modelu oin-oin maibé iha prinsipiu 3 maka kontinua la’o to’o ohin loron, hanesan la fila rai, la sunu rai, no kuda ai-horis ka legumes (Lehe) hodi taka rai kontinua asegúra rai nia bokur,tanba durante rai nia bokur hahú mihis tanba ita sunu rai bebeik.
Iha suku Betano ho implemensaun programa CA hatudu duni rezultadu di’ak tanba redúz du’ut iha to’os laran, hamenus gastu inklui makina ne’ebé fó apoiu bele hakmaan agríkultór sira loke luan sira nia to’os, informa Paula Lopes da Cruz”.
Administradór Munisipiu Arantes Isaac Sarmento, hato’o bem-vindu ba UE nia Embaixador foun ba Timor-Leste iha ninia primeira vizita ba Manufahi, no agradese UE tamba ajuda ona inisiativa konservasaun agrikultura liuhusi projetu “Pro-Resilience II” ne’ebé implementa ona husi Ministeriu Agrikultura no Peskas (MAP) hamutuk ho Organizasaun Nasoens Unidas ba Aihan no Agrikultura (FAO).
