Manufahi RKM News === loronkinta feira(06/10),Ministériu Administarasaun Estatál (MAE) Ho MAPKOMS inklui komunidade Suku Babulo Parte PNTL Manufahi realiza Seremonia Inagurasaun Sede Suku Babulu Aldeia Lapuro Postu Administrativu Same Munisípiu Manufahi
Iha ambítu Seremonia Inagurasaun ne’e Minístru adminístrasaun Estatal, Miguel Perreira de Carvalho hateten Parabens ba povu Suku Babulo ne’ebé ho voluntariamente kontribui osan ne’ebé bo’ot ho montante osan Dollar Amérikanu rihún 7 resin ba inagurasaun sede suku foun.
“Tamba povu Babulo hatudu duni spíritu pertensia ba dezenvolvimentu, povu hatudu nia domin ba ninia sefi suku tanba ne’e sugere ba povu Babulo kontinua hili nafatin sefi suku atuál iha eleisaun sefi suku iha tinan oin, kuandu sefi suku atuál rekandidatu an”
Iha Sorin seluk Administradór Arantes Isaac Sarmento apela ba sefi suku no Komunidade suku Babulo tenki urgullu, tanba bele hetan sede suku foun ne’ebé úniku no kualidade.
“Hau husu ba povu Babulo tenki kuidadu óbra ne’e, nune’e hodi fó atendementu ne’ebé dígnu ba povu Babulo”
Minístru Asúntu parlamentáres no komunikasaun sosial (MAPKOMS), Francisco Jerónimo iha nia diskursu hateten sei lori sede suku Babulo nian, sei aprezenta ba Parlamentu Nasionál katak, sede suku Babulo sai modelu ne’ebé úniku iha Timor leste.
“Hau lori ba aprezenta iha katak Sede suku Babulo sai hanesan referénsia hodi implementa mós iha suku seluk.
Fatin hanesan Séfi suku Babulo Aliçe de Jesus Nunes, agradese ba oitávu governu, Administardór Munisípiu Manufahi, ne’ebé oferese ona sede suku foun ne’ebé ho modelu úniku no kualidade iha Manufahi no Timor-Leste.
“durante ha’u nia mandatu programa dezenvolmentu ne’ebé la’o ona iha suku Babulo, liuhusi programa PNDS instalasaun be’e mo’os ba komunidade sira, implemensaun UKL fáse dá-huluk no dá-ruak, UKL-plus inklui programa dezenvolmentu sira seluk”
Entretantu inagurasaun ne’e hetan Partisipasaun maximu Husi Komunidade suku Babulo no Entidades hotu inklui foinsa’e estudante sira ,(esm&AA)
