Manufahi RKM News ====Loron kinta feira(06/10),Xefe Departamentu Unidade Asesoria Teknika (UAT),Ministériu Administarasaun Estatál, Januario Magalhaes Hateten, ami atu halao divulgasaun lei 23/2021 sobre poder lokal desentralizasaun administrativa no lei nomeru 22/2021 4 de Novembru 2021 sobre Lei eletoral munisipal ninian.
“Objetivu atu dezamina ne’e tanba iha futuru mai munisípiu sei hili rasik sira nia reprezentativo hanesan prezidente munisipal no mós asembleia munisipal hodi hakat ba iha Autoridade lokal no desentralizasaun administrativa territórial.”
Nia dehan, atu implementa lei ne’e konserteza iha futuru oin mai depois eleisaun parlamentár tinan oin depende polítik sira mak bele deside hodi implementa lei ne’e atu 2024 mós bele implementa 2025 mós bele implementa bele mós to 2026 implementa ho faziadamente, nia esplika
Neduni nia konteudu ba munisípiu ida-idak atu hili sira nia reprezentativo hanesan prezidente munisipal no asembleia munisipal atu sira bele autonomia iha administrativo no autonomia iha finanseira no mós patrimonial sira zere rasik sira nia serbisu iha Munisípiu.
“Nia sublina vantajen husi lei ne’e rasik katak populasaun sira sei partisipa direta hodi hili reprezentativo iha Munisípiu.”
Portantu kompetensia husi Munisípiu mak hanaran desentralizasaun administrativa entrega poder ba iha Munisípiu atu zere autonomia administrativa autonomia finanseira no mós autonomia patrimonial sira ida ne’e mak nia objetivu no atu dezenvolve sektor privadu sira iha munisípiu.
Nune’e Lei 22 sobre prosesu elisaun no atu halo elisaun ba asembleia munisipal no elisaun ba ita nia prezidente munisipal ho nia vise prezidente munisipal ida ne’e prosesu elisaun nian no nia mekanismu atu halo elisaun ba orgaun reprezentante munisipal sira.
“Tuir lei rua ne’e ida husi lei 23 iha sentu oitenta nove (189) artigus ko’alia iha ne’ebá no lei 22 iha sentu i tal.”
Enkuantu formasaun ne’e sei realiza iha loron rua ohin no aban tanba ami mós desima lei númeru 14 sobre divizaun administrativa tanba iha segundu alterasaun ba lei ne’e no lei divizaun administrativa ne’e sobre eskalaun administrativa no munisípiu primeiru eskalaun postu administrativu segundu eskalaun.
Fatin hanesan Xefe Gabinete Administrasaun Munisípiu, hanesan mos reprezentante Administrador munisípiu Manufahi Filomino Tilman dehan, husi Ministeru administrasaun statal liu husi diresaun Unidade Asesoria Teknika (UAT) halo sosializasaun kona-ba lei poder lokal, lei divizaun administrativa no lei eletoral munisípal iha Munisípiu Manufahi no fó sosializasaun ba kargu xefia sira hotu-hotu iha Munisípiu Manufahi husi administrasaun Munisípiu Manufahi.
Husi administrasaun Munisípiu hasai konvite ba Direktores delegasaun territóriais delegasaun territóriais munisípiu xefe departamentu sira hotu ne’ebé mak iha Munisípiu Manufahi atu mai tuir sosializasaun ne’e hodi intende lei ne’ebé maka ohin mensiona hodi bele fasilita ba prosesu implementasaun ba futuru.
“Tanba ne’e ohin iha ita nia abertura ita husu ba direktor sira hotu-hotu atu intensivu husi hahú to remata nune’e bele integra lei ne’e tanba bainhira la apar ho lei ne’e mak sei difikulta iha implementasaun ho nune’e mak husi direktor no administrasaun husu ba partisipante sira hotu-hotu atu ativu husi hahú to remata.”
Neduni durante ne’e ita halo hela preparasaun desde 2003 to oras ne’e faziadamente husi tempu ba tempu ita sempre halo preparasaun tuir kbi’it no posibilidade ne’ebé husi nasionál fo bainhira husi nasionál fo tun mai ita prontu atu implementa lei tolu ne’e.
(esm&AA)
