Manufahi RKM News====Sexta feira (08-10), Diretor eskola teknika Vokasional (ESTV) Halibur preokupa ba Bee Mos tanba durante ne’e eskola uza hela komunidade nian.
Iha ambitu ne’e Direktur (ESTV) Haibur, Vicente Tilman iha nia intervista Dehan, ami buka ona meius ida ho parseiru sira no sira mai fura ona bee maibé bee ida agora sira fura ne’e mer entaun labele utiliza hodi rega modo.
Nia dehan ami nia preokupasaun sira ne’e oinsá ho governu nia hanoin kona-ba problema ida ne’e tanba bee iha maibe mer karik governu iha hanoin bele dada de’it husi komunidade sira nia mai, nia esplika.
“Neduni durante ne’e ami uza hela komunidade nia bee dalaruma komunidade fo no dalaruma komunidade la fo tanba tempu bailoro komunidade sira nia bee maran.”
Nia hatutan Alende bee mós ami mós preokupa ba ekipamentus prátika eskola nian ba disiplina mekanizasaun tanba iha ne’ebá ita ko’alia makina maibé realidade alunus la kaer makina ita labele halo buat ida.
Portantu kona-ba area teknolojia multimedia ami laiha laboratoriu ba aula teknolojia multimedia nian, nia hakotu. VAS
