Manufahi RKM News–Segunda feira (10-10)ohin, Estudante na’in rua husi institute of Business (IOB) fakuldade (ICT) Departamentu teknika multimedia finaliza ona sira nia estajiu durante fulan ida iha Rádiu komunidade Manufahi.
Tuir Jestor radiu komunidade Manufahi Vasco da Costa Mendes hateten, Agradesemento boot ba imi nain rua tanba bele hili ona rádiu ida ne’e hodi estajiu durante fulan ida no kontribui ona buat lobuk ida iha rádiu liuliu iha area kobertura no notisia sira.
“Imi na’in rua nia estajiu bele determina hotu ona maibé imi na’in nia lasu amizade ho radiu ne’e nafatin ba oin hanesan familia ida”,dehan Jestor radiu komunidade Vasco Mendes iha edifisiu Rádiu komunidade Same manufahi, Segunda (10/10).
Nia haktuir durante ne’e karik iha komunikasaun ruma ladun di’ak karik hanesan ema kriatura sei lases husi sala no husi parte rádiu ha’u ho ha’u nia estrutura sira fo obrigadu ba imi tanba halo ona serbisu ho ami durante fulan ida no kontribui buat lobuk ida liuliu iha parte jornalista nian ne’e hanesan imi nia memoria ida kuda hela iha rádiu ne’e.
Neduni rádiu la taka dalan ba imi na’in rua hahú husi (IOB) hanesan institutu ida ne’ebé mak liras barak ona iha fatin hotu-hotu no hatudu nafatin imi nia komportamentu ne’ebé di’ak ba imi nia alin sira,
Nune’e imi nia alin sira hakarak bele mai estajiu iha ne’e ou bele foti topik iha hodi hakerek imi teze no hala’o peskiza iha ne’e dalan nakloke ba imi hotu no mós ami prontu kopera ho imi na’in rua kualker tempu imi na’in rua presiza buat ruma kontaktu via telefone ou bele liu husi whatsapp, nia esplika.
Fatin hanesan estudante estajiadu IOB Joao Batista dehan, agradese ba Jestor radiu komunidade ho nia estrutura sira hotu tanba bele simu ona ami na’in rua iha ne’e hodi hala’o ami nia estajiu durante fulan ida iha ne’e ho di’ak.
Ohin loron ikus ona ba ami na’in rua nia estajiu karik iha durante fulan ida ne’e nia laran ami halo buat ruma ne’ebé la kona-ba Jestor nia laran karik ami ho hakraik a’an husu deskulpa.
“Tanba husi estajiu ne’e ami bele aprende buat lobuk ida liu husi kobertura no hakerek notisia sira.”(AA).
