Manufahi RKM News ===Segunda feira (10/10),Sekretária Estadu Joventude Desportu( SEJD) Hamutuk Ho Centru Foinsa’e Dom Boaventura Manufahi (CEFOBOM) No Autóridade Manufahi Lansa Koileta Ikan Iha Bairo Merbuti Aldeia kotalala suku Letefoho Postu Administrativu Same Munisípiu Manufahi.
Reprezentante Sekretaria Estadu Juventude no Desporto Manuel Monteiro hanesan Kordenador Emprendedorizmu sosial Suku Hateten parabens ba Centro Foinsa’e “Dom Boaventura” Maun-Fahe (CEFOBOM) ne’ebe servisu hamutuk ho Grupu Haburas Juventude Mirbuti Ne’ebé hatudu nia rezultadu husi Kolleta ikan iha merbuti.
” programa Nasional Estimulu Eprendedorizmu Sosial, Juventude Suku ne’ebe SEJD hahu implementa iha tinan kotuk, mai ho intensaun atu estimula ho enkoraja jovem sira hala’o atividade produto ruma hodi fo rendimentu ba sira”
Tuir nia katak kapasidade nu’udar potensia no forsa bo’ot ida hodi fo solusaun ba problemas oi oin nebe maka jovem sira rasik no sira nia sosiedade hasoru iha sira nia moris.
Nune’e mo’s Maneger General CEFOBOM Antoninho Doutel Saramentu Informa SEJD liu husi CEFOBOM apoio orsamentu $40.000 Resin Ba Joven sira Nebe’e Harii Grupu.
“Tamba nee Grupu sira mak hanesan Haki’ak Ikan,Haki’ak Manu,Hortikultura ,Husi Grupu sira ne’ebé mak Submete Proposta ba SEJD hamutuk 27 mak pasa hodi hetan fundus refere”informa General Maneger CEFOBOM
Iha parte seluk Administrador munisípiu Manufahi Arantes Isaac Sarmento agradese ba apoio husi Governu Liu SEJD mai iha CEFOBOM liuliu iha programa inpoderamentu Sosial.
“Ho Ida ne’e bele tulun ita nia Joven sira Inklui komunidade hodi hadia Ekonómia uma laran”
Autoridade nee hatutan Nafatin agradese Tamba dala barak Apioo husi Governu La iha rezultadu.
“Maibe ho Ida ne’e bele hatudu rezúltadu di’ak hodi Koileta ona Ikan Iha Mirbuti ”
Fatin hanesn Cordenadór Grupu (HJM),Haburas Juventude Mirbuti Mario Pereira senti ho prezensa SEJD no Autóridade sira Nian iha grupu hodi koilleta ikan ne’ebe maka durante ne’e sira hakiak.
nia salienta lansamentu koilleta ikan ne’e la’os ba sira nia grupu de’it ba ema hotu hotu.
Maske senti kontenti maibe ba oin grupu nafatin iha mehi atu hadi’a diak liu tan aktividade ne’ebe maka iha ona grupu.
Tamba ne’e kordenador grupu ne’e nafatin husu apoiu ba CEFOBOM no parte governu atu tau matan nafatin ba sira atu bele ultrapasa mehi iha futuru Ho
“kolam ne’ebe maka ami haki’ak ikan ba hamutuk Rua, no loron sei koilleta hotu, no ikan ne’ebe maka hakiak ho variedade oin rua hanesan ikan mas, no ikan Nila.
No grupu Refere inisia iha tinan 2015 no hetan apoiu husi SEJD no CEFOBOM iha tinan 2021 ho total orsamento Mil dollares.
Entertantu membros ne’ebe envolve iha grupu Haburas Juventude Mirbuti hamutuk na’in 5.
No rezultadu osan husi koilleta ikan ba loron ohin ho montante dollare $288, no husi rezultadu osan sira ne’ebe maka iha grupu Haburas Juventude Mirbuti hetan sei uza hodi had’ia dia’ak liu tan kolam ne’ebe maka iha no sosa ikan nia hahan.(esm)
