Sorumutuk Konsellu Ministrus nian iha loron 12 fulan-outubru tinan 2022
Manufahi RKM News === Dili Konsellu Ministrus hala’o sorumutuk iha Palásiu Governu, iha Dili, no aprova projetu Dekretu-Lei, ne’ebé aprezenta husi Primeiru-Ministru, Taur Matan Ruak, ne’ebé prosede ba alterasaun dahuluk ba Dekretu-Lei n. 37/2022, loron 25 fulan-maiu, kona-ba subsídiu fim do ano ba uma-kain sira, hodi klarifika ámbitu husi sira nia aplikasaun.
….
Hetan mós aprovasaun ba projetu Rezolusaun Governu, ne’ebé aprezenta husi Ministra Negósiu Estranjeiru no Kooperasaun, Adaljiza Albertina Xavier Reis Magno, ho objetivu atu ratifika ba Adezaun Timor-Leste ba Akordu kona-ba Medida sira Estadu Portu nian hodi prevene, impede no elimina peska ilegál ne’ebé la deklara no la regula (PSMA, sigla iha lian inglés).
Akordu ba Medida Estadu Portu nian hanesan instrumentu internasionál ida ne’ebé hakarak prevene, impede no elimina peska ilegál ne’ebé la deklara no la regula, liuhusi aplikasaun medida Estadu portu ne’ebé efisiente no, ho nune’e hodi asegura konservasaun prazu naruk no esplorasaun sustentável ba rekursu husi tasi ne’ebé moris no ekosistema tasi.
……
Konsellu Ministru delibera ona hodi autoriza Ministru Transporte no Komunikasoins, José Agostinho da Silva, ba negosiasaun no asinatura Akordu rua ba servisu Aéreu sira entre Repúblika Demokrátika Timor-Leste no Reinu Kamboja no Portugál.
Objetivu hosi akordu sira-ne’e mak atu estabelese no kompleta-malu ba Konvensaun kona-ba Aviasaun Sivil Internasionál, hodi estabelese no halo operasaun servisu aéreu nian entre territóriu sira neébé refere no husi territóriu sira ba territóriu sira seluk.
…..
Ikusliu, Ministru Justisa, Tiago Amaral Sarmento no Diretór Ezekutivu ba TradeInvest Timor-Leste, Arcanjo da Silva, halo aprezentasaun ida kona-ba avaliasaun implementasaun ba akordu espesiál ba investimentu ne’ebé halo entre Estadu Repúblika Demokrátika Timor-Leste no sosiedade komersiál
