Manufahi RKM News __Sexta (28-10)feira Semana ne’e, Estrutura Eskóla Ensínu Bazika (EBC) Fatuku suku Holarua postu administrativu Same, aprezenta prémiu prímeiru lugar ne’ebé hetan, sai hanesan prímeira lugar iha Timor Leste ba kompetisaun programa Eskóla verde, ba administradór Munisípiu Manufahi.
Diretúr EBC Fatuku Jaoquim Pinheiro ba jornalista sira hateten, ami iha obrigasaun lori prémeu ne’ebé eskola ne’e simu, iha Dili loron 25 fulan-Outobru 2022 husi Sekretária estadu ambiente hamutuk ho Ministériu edukasaun no Sekretária estadu egualidade inkluzaun.
“ne’e hanesan tása Rotativa 1 no tása permanente 1 ho osan dollar Amérikanu $ 2.500,00 prezenta no fó koeñesementu ba adminitardór Munisípiu Manufahi, tanba prémiu ne’e ami hetan tanba hotu hotu nia apoiu, hahú husi Administradór hanesan autóridade másimu iha Munisípiu ne’e”
Alende diretúr edukasaun no autóridade sira hotu nia apoiu, tanba ne’e iha anúnsiu Rezúltadu iskóla refere hetan prímeiru lugar iha Timor leste, entre iskola 7 ne’ebé halo kompetisaun ba programa Eskóla verde iha Timor leste.
“Osan ho montante Dollar Amérikanu $ 2.500,00 ne’ebé ami simu, ami sei halo kontinuasaun no dezenvolve di’ak liu tan programa Eskóla verde iha ami nia iskóla,tanba Programa balun presisa atu aumenta tan”
Kordenadóra programa eskola verde EBC Fatuku, Adojina da Costa Barreto relata katak, ami hetan prémiu prímeiru lugar ba programa eskola verde entre Eskóla 7 iha Timor leste, tanba ami hala’o atividade 6 ba programa Eskóla verde ami konsege finaliza hotu iha ami nia eskola, hanesan atividade kintal verde, aula Verde, lóza verde, plantas no jardin verde.
Administradór Munisípiu Manufahi Arantes Isaac Sarmento, aprésia no Agradese ba esfórsu tomak ne’ebé Eskóla EBC Fatuku hetan, susesu ida ne’e atu motíva fali Eskóla hotu hotu iha Munisípiu Manufahi, atu banati tuir hodi dezenvolve programa Eskóla verde iha iskóla, inklui komunidade sira bele banati tuir atu promóve jardin idak-idak iha uma oin sai matak no verde.
“Ho prímeu ne’ebé iskola Fatuku hetan, ha’u sei konvida eskola refere atu aprezenta prémiu ne’e iha komemorasaun loron proklamasaun independensia tinan ida ne’e, ba dekade ida tinan 10 komemorasaun tinan atus ida funu revolusaun 1912 Manufahi iha Luak-Manufahi, atu anúnsiu ba povo Manufahi katak prémiu programa Eskóla verde ne’ebé eskola EBC Fatuku hetan ba povu Manufahi, Manufahi tenki orgúllu ba prémiu ne’ebé ita hetan”.
Autóridade Munisipiu Manufahi ne’e enkoráza nafatin Eskóla EBC Fatuku, atu kontinua dezenvolve programa Eskóla verde no tenki sai mata-dalan ba Eskóla sira seluk iha Manufahi.(Juger&Esm)
