Manufahi RKM News __Sexta Feira ohin, Institútu Dom Boa Ventura Timor Leste (IBTL) realiza judisium dá-huluk estudante husi fakuldade 4 departamentu 6 iha Luak Manufahi
Tuir Reitór interinu IBTL Grigorius Seran iha nia diskúrsu hateten, IBTL eziste iha tinan 2016 hasoru dezafius oin-oin,maibé kontinua la’o nafatin to’o ohin loron.
” estudante ne’ebé tama ho totál na’in atus ida resin maibé to’o ikus na’in 31 maka konsege finaliza sira nia estudu iha IBTL”haktuir nia
Nia hatutan Estudante finalista na’in 31 ne’ebé ohin judisium husi fakuldade saúde, agríkultura, ekonomia no Enjinaria.
Tamba ne’e nia parte agradese ba fundadór sira autóridade, dosente no inan aman sira nia kontribuisaun ba IBTL ninia ezistensia to’o ohin loron konsege realiza judisium ba estudante finalista sira.
Nune’e mo’s Presidenti fundasaun LELAMAR, Riak Leman atuál presidenti Konséllu Nasionál kombatenti libertasaun nasionál hanesan fundadór IBTL hateten, ha’u fó parabens ba estrutura IBTL, dosente sira, estudante no Inan aman.
” ita bo’ot sira nia esfórsu durante tinan 5 nia laran rezúltadu ohin ita realiza judisium ba estudante finalista sira, maibé ide ne’e seidauk to’o tanba sei tan serimónia graduasaun ba estudante sira, luta ida ne’ebé ita hotu tenki luta nafatin”
Alende ne’e gradese mo’s ba governu lokál,liliu Administradór Munisipiu Manufahi, diretóra saúde, agradese ba matenek Manufahi oan sira, inan aman, veteranu Timor oan no Veteranu Austráliano sira, ajuda makas ba IBTL apoiu finanseiru hodi halo kontrusaun salaun, uma iskola no fasilidade sira seluk hodi fasilita estudante oan sira, agradese mós ba Conocophilips kompaña Santos apoiu komputadór,Rotario apoiu aldeiras-meza no komputadór, VII governu konstitusionál, Governu Nova Zelándia apoiu finanseiru hodi dezenvolve IBTL, apoiu hirak ne’e tanba Ita nia kapasidade hodi halo lobi parseiru sira”.
Fatin hanesan Administradór Munisípiu Manufahi Arantes Isaac Sarmento, aprésia no Agradese ba fundadór maun Veteranu Riak Leman ne’ebé ho esfórsu harii Institutu ida ho naran Dom Boa Ventura, naran ida famozu iha Timor leste hodi prepara rekúrsu umánu iha Manufahi dezenvolve rai ida ne’e, ne’e hatudu katak maun Veteranu sira hafoin liberta tiha pátria ida ne’e, maun Veteranu sira mós la kolen kontinua luta hodi liberta povu husi susar no mukit, husik beik ba matenek.
“ba estudante sira, kualidade edukasaun la’ós de’it mai husi iskóla no dosente sira, maibé kualidade no matenek mai husi ita ema rasik, tanba ne’e fianlista sira ne’ebé aprende matenek iha institutu ida ne’e, hanesan prodútu lokal no prodútu Manufahi nian, produtu ida ne’e tenki la’o ba oin hodi dezenvolve Manufahi no Timor Leste.nia hakotu
