DNMG – Relasiona ho publikasaun husi usuário iha plataforma media sosial hanesan facebook, watshapp kona ba eventual Tromba D’Água ka Nuvem funil ne’ ebé iha dia (24/02/2023) akontese iha setor Norte husi Pante Makasar RAEOA… tamba ne DNMG hakarak deskreve prosesu formasaun balun relasiona ho eventual ne’ e rasik hodi diminui konfuzaun iha públiku nia leet hodi interpreta tuir ida idak nia hakarak.
Dala barak ita fasil konfunde “Trombas D’Água” ka Nuvem Funil ho Ciclone Tropical. Maibé esplikasaun lolos maka “Trombas D’Água” ka Nuvem Funil konsidera hanesan eventu ciclonico ida ne’ ebé asemella ho tornado ne’ ebé maka forma iha superfíse Bee nian (Tasi, Mota boot sira, Baía, Lagos) iha ne’ ebé asosia direta ho tipu kalohan comuliforme no Congesto. Diferente ho Tornado tanba tornado forma iha rai leten (Superfície da terra) ne’ ebé ita bele haree ho matan bainhira lori rai-rahun no material sira seluk.
Mesmu eventual hanesan Trombas D’Água ne’ e rasik iha possibilidade atu akontese ho dimesaun boot maibe maioria nia intensidade fraku no la kauja problema boot ba iha comunidade. Maibe bele prejudika atividade iha tasi (Transporte marítima, peskadoria)bainhira passa liu ka passa besik eventual refere.
Karakteristika Sira ne’ ebé asosia ho “Trombas D’Água” ka Nuvem Funil maka hanesan:
– Máximu dezenvolvimentu husi Trombas D’Água varia entre 50 metru to’ o 2 Kilómetru;
– Trombas D’Água aprezenta nia siklu de vida ho nia durasaun badak, entre 2 to’ o 20 minutos;
– Trombas D’Água iha diâmetro entre 10 to’ o 100 metros;
– Velosidade anin husi Trombas D’Água jeralmente menus husi 30 m/s;
– Orario ne’ ebé jeralmente atu akontese entre 16:00 to’ o 19:00 horas;
– Trombas D’Água dissipa bainhira udan akontese tanba ar frio ne’ ebé hamosu husi udan korta ka hakotu abastesimentu ar úmidu no quente ba eventual ne’ e hodi kontinua ativa.
NB: Eventual ne’e rasik DNMG hetan difikuldade atu fo alerta sedu tanba ita nia país seidauk iha instrumentu hanesan radar meteorológico ruma ne’ ebé bele deteta antes hodi fo avizu. Iha sorin seluk mos modelo meteorológico sira ne’ ebé mak oras ne’ e dadaun ita seidauk bele atu halo previzaun espesíku ba iha eventual ho eskala no durasaun ne’ ebé badak hanesan Trombas D’Água.
