Manufahi RKM News–Grupu 7 ne’ebé hamahon a’an iha Assosiasaun Hasae Produsaun Agrikultura iha Komunidade (HPAIK) iha aldeia Weberek, suku Dotik, postu administrativu Alas, munisípiu Manufahi hetan formasaun kona-ba presu produtu lokál no kapasita membru grupu oinsá atu hetan rekursu humanus ne’ebé iha kapasidade, kualidade ni kualifikadu hodi kompete iha merkaduria husi Sentru Lojistika Nasionál (CLN) durante loron tomak ida.
Hafoin formasaun, Prezidente Asosisaun Hasae Produsaun Agrikultura iha Komunidade (HPAIK), Eugrnio da Costa Amaral informa, durante ne’e grupu agrikultura inisiativa halo to’os hosi produs produtu lokal maibé laiha merkadu.
Ho ida ne’e Asosiasaun Hasae Produsaun Agrikultura iha Komunidade (HPAIK) ne’ebé akumula grupu 6 mak hanesan Grupu Habelar Produtu Lokál (GHPL), Hadomi Produtu Lokal (HPL), Maun Alin Fiar Malu (MAFIRMA), Grupu Halakon Tristi (GHT) no sira seluk konvida CLN mai lansa presu produtu lokál ba grupu agrikultura realiza formasaun hodi hasae grupu sira nia konesementu oinsá atu hasae kualidade agrikultura hodi asesu ba merkadu CLN.
Materia importante ne’ebé CLN fahe ba grupu sira mak foka liliu ba atu garantia kualidade, kuantidade hodi hetan presu.
“Durante ne’e laiha presu no merkadu nune’e agrikultores nia produtu fuhuk no dodok estragus de’it maibe agora CLN lansa ona presu produtu lokál nune’e ami agrikultura prontu ona atu hasae produsaun agrikultura hodi hatama ba merkadu CLN”
Tuir Eugenio produtu ne’ebé CLN sosa husi asosiasaun nia grupu sira mak hanesan hare’e kulit, fo’os rai, batar, fore mungu, fore metan, koto. Fore mungi kilo ida dollar 2.00, hare kulit Asosiasaun mak hatama ho presu 0.52, maibé grupu mak hatama ho presu lahanesan, batar kilo ida 0.50 bainhira Asosiasaun mak hatama karik grupu mak hatama $. 0.42, fore rai presu U$.2.00.
“Ho presu ne’ebé iha ona ami realiza formasaun
atu hetan konesementu hodi prepara a’an kona-ba prodsaun agrikultura ikus ba faan iha merkadu hetan osan hadia moris katak ami bele hisik kosar hodi hadia nesesidade moris loron-lorin”nia esplika.
Molok hakotu nia hateten, grupu ne’ebé iha hodi sai ona ba asoosiasaun maske durante ne’e lao ho inisiativa rasik maibé sai ona jestor produtu ba kompañia Lili Jespar Unipesoal Lda distribui iha Sexta baziku.
Entretantu prezidente Asosiasaun HPAIK aprezenta grupu ne’ebé iha ho total membru 71 ho rai hektares 71 durante ne’e iha ona inisiativa halo toos maibé menus fasilidade hanesan traktor, hand traktor no ensada atu apoiu hodi fila rai ba grupu hodi nune’e bele aumenta diak liu tan rezultadu kolleta.
“Ami Infrenta mós problema pestie estraga batar no produtu sira seluk no ami halo intervensaun ho manual deit nune’e ikus rezultadu minimu liu” nia sublina.
maske ami hasoru hela problema tantu material no aimoruk hodi hamate pesti ne’ebé atake produtu maibé ami seidauk halo proposta ba serbisu agrikultura munisípiu Manufahi hodi husu apoiu ruma maibé posibilidade ba oin ami sei husu sira nia apoiu.(ekipa Kobertura)
