Manfahi RKM News—-kuarta feira (03-05),ohin Administradór Munisípiu Manufahi Arantes Isaac Sarmento hateten tinan ne’e Manufahi hetan Projétu rua hanesan Jardím Multifungsi ne’ebé dadauk ne’e Realiza ona Iha Merkdu antigu same no mos Estrada rural Tutuluru Ne’ebé fahe ba rua Hanesan Estrada un no Estrada dois iha Postu Administrativu Same Munisípiu Manufahi
Ba jornalista sira, Arantes hateten, Jardím ne’e rasik iha sidade kapital Manufahi neduni hanoin ona tenki dezenvolve area refere iha Manufahi.
“Projeitu refere ne’ebé Kompaña Jerota kaer no ita espera katak tinan ida ne’e bele remata”
Arantes dehan, bainhira projeitu konstrusaun jardim multifunsaun ne’e remata ema barak bele utiliza ona fatin refere iha sidade.
“Jardim refere remata sei tau monumentu heroi ninia haat (4) hanesan avo Dom Boaventura, proklamador Francisco Xavier do Amaral, Francisco da Costa Borja no eis Ministru Kakuk”dehan nia.
Maske tau deit ema nain 4 maibé sira ne’e reprezenta lider hotu-hotu ne’ebé luta ba rai ida ne’e ba luta libertasaun.
“Jardim ne’e bainhira hari’i remata sei tau naran no munisípiu sei prepara hela atu aprezenta ba Conselho Consultivo Municipal (CCM) hodi halo apresiasaun no nune’e bele prega naran bainhira inaugura”nia hakotu.
Entertanru Kontraktor Serbisu Kompañia Jerota Unidos Unip, LDA ho valór kontratadu U$.221,140.52, data kontratu hahú iha loron 20/04/2023 no data remata 31/12/ 2023
Jornalista :Betty Tilman
Editóra : Eva Marques