Manufahi RKM News—-Agensia Programa Ai han Mundiál (WFP)sei harii Dapur Programa Merenda Eskólar 3 Iha Manufahi Liuliu Iha Eskóla Ensinu báziku koléjiu Katólika São Miguel Arcanjo Same (COSAMAR),Hodi fasilita programa merenda eskolár tamba iha eskolá refere la iha dapur hodi fasilita programa ne’e Inklui fatin ba estudante sira han la dun seguru.
Tuir Koordenadór Programa WFP Ali Ahmad Khan hateten, tinan ne’e WFP sei konstroe dapur 10, ba eskola EBC 10 iha Munisípiu 3 kompostu Baucau konstroe dapur 4, Munisípiu Bobonaro 3 no Manufahi 3
Iha ambitu ne’e Padre Parokia Nossa Senhora de Assunção Same, hanesan mós diretúr EBC KOSAMASAR same, Padre Albino Marques haktuir iha Eskóla refere iha aluno hamutuk 300 resin tamba ne’e la iha dapur ne’ebé dígnu hodi fasilita ai han ba estudante sira han
“Dadaun ne’e provizorimente eskola uza hela dapur simples ida iha Igreiza Parokia Same nian, ne’ebé distánsia dook husi iskola”
Iha parte seluk Administradór Munisípiu Manufahi Arantes issak Saramentu hateten, WFP tau ona orsamentu atu harii dapur 3 ba iskola EBC 3 iha Munisípiu Manufahi, ne’ebé ita deside sei harii dapur 2 ba iskola públiku 2, no eskola Katólika KOSAMAR konstroe dapur 1.
“hanesan servidór ba Povu iha Manufahi ita orenta ona diretúr edukasaun, atu identifika iskola sira hotu tau iha planu liuhusi projetu PDIM, tinan oin hahú ona halo konstrusaun dapur ba iskola sira hodi implementa programa merenda eskolár, nune’e fasilita alunu sira haan ho dignu,”Administradór Arantes subliña”.
Tuir Observasaun Jornalista ba loron ohin nian estudante sira la iha fatin ne’ebé dígnu hodi fasilita Estudante sira han
Entretantu Agensia Internasionál WFP Servisu hamutuk ho Agensia Internasionál COICA Hodi apoio Matérial Utensidus ba Eskóla sira no Planeia atu harii tan Dapur ba Eskóla 3 Iha Manufahi
Jornalista :Betty Tilman
Editóra : Eva Marques