Manufahi RKM News—Sábadu loron (20-05) Seremonia Isár Bandeira Ba loron Independénsia ba dala 21 iha Munisípiu Manufahi iha Parke DomBoaventura Luak Prinese ho Atividade Atrasaun hodi anima Povu Sira
Hafoin Remata Seremonia Isár Bandeira loron 20 de maio tinan 2023 Inspetúr da Seremónia atual Administradór Munisípiu Manufahi Arantes Isaac Sarmento ba jornalista katak Timor leste restaura nia independénsia durante tinan 21 iha Manufahi hahu dezenvolvimentu la’o ho di’ak.
“Iha Munisípiu Manufahi hahu la’o dadauk ona ho dezenvolvimentu iha Manufahi kompara ho tempu okupasaun Indonézia, uluk komunidade same viajen ba Dili presiza loron tomak foin to’o Dili maibe agora presiza oras 2 ka 3 bele to’o ona Dili tamba estrada sira kuaze di’ak hotu
Dezenvolvimentu la’o iha Manufahi, hala’o husi parte governu, parseiru dezenvolvimentu, setór privadu inklui sidadaun rasik.”
Autóridade ne’e hatutan Uluk iha suku sira povu la hetan eletrisidade maibe agora suku sira hetan ona enerjia eletrisidade, bee moos .
“hanesan mós Uma Naroman ba povu, sesta basika, subsídiu tinan ikus no estudante sira hetan bulsa estudu meritu, inan isin rua sira hetan mós subsídiu, ema ho defisente no ferik katuas sira hetan subsídiu husi estadu, ne’e hatudu katak povu sente duni dezenvolvimentu,”Arantes afirma bainhira remata serimónia isar Bandeira
Administradór Arantes subliña, Dezenvolvimentu la’o iha Manufahi, hala’o husi parte governu, parseiru dezenvolvimentu, setór privadu inklui sidadaun rasik.
Antes hakotu Autóridade ne’e husu ba povu Manufahi, lider partidu polítiku, foinsa’e sira, hametin unidade pas no estabilidade, hametin kultura povu Manufahi nian, respeitu no hadomi malu, hodi kontribui ba dezenvolvimentu rai Manufahi
