Manufahi RKM News —-Padre vigáriu Parokia Nossa Senhora de Assunção Same, Padre Fernando da Silva de Araújo iha misa agradesementu komemorasaun loron restaurasaun independénsia loron 20 fulan-Maiu, ne’ebé realiza iha Igreja Nossa Senhora de Assunção Same Se husu ba sarani sira atu Reza ba ukun na’in sira, lider partidu polítiku sira, no ema hotu ne’ebé hanoin di’ak hodi halo di’ak ba rai no povu Timor-Leste.
“Restaurasaun independénsia katak ita halo foun hikas fali ita nia ukun rasik an, hodi kaer rasik ita nia kuda talin, hanesan ita nia kamaráda sira uluk luta ona hodi luta ba ukun rasik an katak ita kaer rasik kuda tali ,tanba ne’e nu’udar sidadaun ne’ebé di’ak, restaura no hafoun hikas ita nia mentalidade hodi kontribui ba dezenvolvimentu, hakruk ba lei, respeita no kuidadu óbra ne’ebé estadu halo iha ita nia rain, respeita ema seluk nia direitu, respeitu malu, ne’e maka ita restaura ita nia ukun rasik an, no restaura ita nia mentalidade hodi kontribui ba dezenvolvimentu”amu Nando isplika”.
Partisipa iha misa agradesementu ne’e, autóridade, veteranu, diretúr Servisu munisipais sira, funsionáriu Públiku, sosiedade sivil, manórin na’in no estudante sira.
Hafoin remata misa sarani sira lori aifunan ba kari iha jardin dos heroi Luak Manufahi.
Reporter Ekipa Kobertura
