Sorumutuk Konsellu Ministrus nian iha loron 12 fulan-jullu tinan 2023
Konsellu Ministrus hala’o Sorumutuk iha Palásiu Governu, Dili, no aprova ona Programa Governu Konstitusionál IX. Programa ne’e, sintetiza polítikas públikas prinsipáis ne’ebé atu adota durante Governu ninia mandatu ho objetivu atu hametin no otimiza setores governasaun nian no sira nia rekursus, hodi habadak dalan atu transforma vizaun husi Ajenda Dezenvolvimentu Sustentavel 2030 no Planu Estratéjiku Dezenvolvimentu 2011 – 203 nian hodi sai realidade.
Konsellu Ministrus mós delibera ona hodi aprezenta ba Parlamentu Nasionál Votu Konfiansa ida ba Governu, bazeia ba kompromisu firme no determinadu hosi Governu atu implementa ninia Programa, ho objetivu atu promove dezenvolvimentu, prosperidade no moris-di’ak ba sidadauns timorenses.
Programa ne’e kompostu husi área prinsipál neen, hanesan tuirmai: Reafirmasaun Estadu Direitu Demokrátiku, dezenvolvimentu kapitál sosiál, dezenvolvimentu infraestruturas, dezenvolvimentu ekonómiku, konsolidasaun governativa no boa governasaun, nune’e mós kombate hasoru korrupsaun. REMATA
