Manufabi RKM News-kuarta fera (2/8) ohin komemorasaun loron estabelesementu administrasaun munisipio Manufahi iha parke dom boventura manufahi,
Administrador munisípiu Manufahi Arantes Isaac Sarmento iha ninia diskursu hateten durante ne’e ita sempre selebra loron nasional hanesan 20 de Maiu, 30 de Agosto, 12 de Novembro, 28 de Novembro, 31 de Desembro no data sira seluk tan maibé iha nivel Munisipiu ita seidauk selebra dala ida ne’ebe ita restauaura ukun rasik-an iha loron 20 de Maio de 2000,
Durante ne’e ita la sente servisu administrasaun Munisipiu ne’ebé ita haknar-an hodi serví malu hosi tempu ba tempu iha tempu naruk nia laran ita lahatene loos hahú horibainhira, nia dehan
Hanesan ema ne’ebé kada tinan sempre selebra ita nia data moris, ho modelu no maneira oi-oin hodi refleta ita nia idade moris nune’e mos hosi nasional sempre selebra loron nasional,
hodi hafanun no habo’ot espiritu nasionalismu no patriotism ba sidadaun sira hotu liu husi mensajen nasional ne’ebé hato’o iha serimonia hirak ne’e ita mos iha hanoin ba ita nia Munisipiu nia istória moris hodi bele fó espiritu hadomi ita nia Munisipiu habo’ot ho habelar ran koor Munisipal Manufahi no espiritu servi ne’ebé diak liu tan ba ita hotu iha tempu agora no ba tempu sira tuir mai,
Nune’e mos atu hodi promove Munisipiu nia identidade rasik ne’ebé sei marka diferensa ka la hanesan ho fatin ka Munisipiu sira seluk.
Entertantu partisipa iha seremonia selebrasaun dahuluk data moris administrasaun munisipio manufahi husi menbru governo,deputadu inklui komunidade postu hat (4).