Manufahi RKM News-kuarta fera (2/8) ohin seremonia selebrasaun dahuluk dat moris administrasaun munisipio manufahi ohin 2 de agostu 2023 hodi hametin identidade istoria no kultura,
Administrador Munisipio Manufahi Arantes Issac Sarmento hateten komemorasaun dahuluk ba data estabelesimentu Servisu Administrasaun Munisipiu Manufahi nian ohin komemorasaun 2 de Agosto 2023 atu hametin identidade istória no kultura hodi kontribui ba desenvolvimento nasional
Ita hakarak promove data ne’e nu’udar identidade própriu mai Munisipiu Manufahi iha nia jornada moris servisu atendimentu administrativu ba komunidade no kada tinan ita sei selebra hodi hatudu ita nia identidade sira seluk ba komunidade jeral,
Hakarak hatutan no habo’ot espirito domin unidade fraternidade no ran koor komunidade nian ba ita nia Munisipiu iha relasaun umana no kultural iha atividade lor-loron ba desenvolvimentu moris diak ba povo nian nu’udar sidadaun ne’ebé hatene hadomi malu respeita malu hadomi paz no estabilidade iha rai laran,
Atu hametin no habo’ot espritu nasionalismu no patriotismu ba sidadaun sira hotu nian iha prosesu dezenvolvimentu nasional Munisipiu Manufahi no ligasaun diak ho komunidade Munisipiu viziñu sira hotu,
Maibé bebeik atu hatu’ur fila fali ita nia postura governativa Manufahi nian tuir lisan no kultura bei-ala sira nian iha tempu ne’ebé la menon atu nune’e, bele kompleta rai Manufahi,dehan nia
Alnde ne’e mos promove kultura no kapasidade professional Manufahi oan sira nian no prepara-an ba implementasaun Desentralizasaun Polítika hosi nasional mai Munisipiu.
