ATUALIZASAUN KONDISAUN TEMPU BA SEMANA NE’E

ATENSAUN & ATENSAUN ESPESIAL⚠⚠
ANIN hu’u ho velosidade (NORMAL to’o MAKA’AS (10-28 km/h)) sei kontinua akontese durante semana ne’e nia laran, akompanha ho RAJADAS ANIN (ANIN FUIK) ne’ebe mak hu’u ho velocidade MAKA’AS (~60 km/h) kuaze iha territoriu Timor laran tomak principalmente iha rejiaun foho sira.
#KONDISAUN_LALORAN_TASI
Previzaun ba kondisaun laloran tas nian iha semana ida ne’e nia laran mak, laloran tasi nia a’as tantu iha KOSTA NORTE & SUL kontinua NORMAL (0,2-1,0m) iha territoriu Timor laran tomak.
#KONDISAUN_TEMPU
HUSI EQUIPA PREVIZAUN TEMPO, hakarak informa ba komunidade em jeral iha territoriu Timor laran tomak katak, tuir observasaun husi modelos meteorolojikus kona ba previzaun tempu ba semana ne’e nia laran hatudu katak, iha parte DADER maioria munisipiu sira iha territoriu Timor laran, kondisaun atmosfera kontinua estavel ( NAROMAN & NAROMAN HO KALOHAN BALUN) no iha parte LOROKRAIK no inisiu kalan mak kuaze munisipiu hotu-hotu iha territoriu Timor laran, kondisaun atmosfera KALOHAN sei TAKA no UDAN-CHUVISKA no iha possibilidade hodi kausa UDAN FRAKU & UDAN HO INTENSIDADE NATOON, liu-liu iha munisipiu BOBONARO NO ERMERA.
#NOTA_INFORMATIVU:
-Apela ba ita nia maluk viajantes sira ne’ebe maka atu hala’o viajem ba munisipiu karik, presija tau atensaun ba kondisaun anin bo’ot refere, liu-liu (RAJADAS ANIN)/ANIN FUIK ne’ebe mak normalmente mosu iha momentu ne’ebe ita la espera.
*Akompanha nafatin atualizasaun informasaun husi DNMG.
*Bolletim emitidu : 09/10/2023 (10:50 OTL)
*Bolletim Validu : 14/10/2023 (00:00 OTL)
#SECÇÃO_PREVIZAUN TEMPU_DNMG-MTC#