Manufahi Rkm News==Tersa feira ne’e Policia Nasionál Timor Leste (PNTL) Munisípiu Manufahi realiza inkóntru avaliasaun funsionamentu konselho seguransa Munisípal (KSM) hodi hare progresu no dezafiu ne’ebé KSM hasoru durante fulan haat(4) iha kazerna Polísia Same.
Conselho Veteranos Munisipio Manufahi Manuel da Silva Código Cobra Benci tuir observasaun serbisu KSM nian durante ne’e lao diak sempre iha kordenasaun no koperasaun ho autóridade lokál Munisípiu Veteranos no entidades hotu no sociedade civil, hodi kria ambiente hakmatek paz iha manufahi rasik, ita kompara ho munisipio sira seluk manufahi mos sai ezemplar ida ba munisipio sira seluk.
Reprezentante Administrador Munisipio Manufahi Julio Gudino rekomenda ba parte PNTL Manufahi, atu estabelese tan membru KPK ba suku 10 ne’ebé maka seidauk estabelese hodi fo apoio no kontribui diak liu tan serbisu seguransa ninian alende nivel munisipio no mos suku sira.
Hatan ba rekomendasaun husi reprezentante Administrador Munisipio Manufahi Komandante Komando Policia Munisipio Manufahi Superentendenti Policia Joni Viana Das Regras hateten kestaun kona ba suku sira ne’ebé seidauk estabelese KPK tamba PNTL manufahi seidauk iha fundu finanseira hodi organija no realiza estabelesimento KPK.
Entretanto partisipa iha inkontru ne’e Diretóra PDHJ Diretór STAE Diretóra F-LBF Autóridade lokal postu administrativo fatin ha’at Autoridade Suku membru KPK inklui Membro Polísia sira iha Manufahi.
