Manufahi Rkm News==Loron Segunda 16/10 Igreja Evangeliga Assembleia de Deus Rejiaun II halo konferensia hodi Restrutura Estrutura foun Rejiaun II nian, Iha Tema ba Konferensia mak “Paz ho Dame ne’ebe Kristu fo ba ita Ema, la hanesan mundo Fo” Kordenador Rejiaun II Ps. Elias Pinto Abertura ho Harohan Especial ba Nasaun Timor Leste no Mos Lideransa Nasaun nian Inklui Partisipante no Konvidadus sira ne’ebe partisipa iha eventu refere.
Iha Diskusu Reprezentante Administrador Munisipiu Manufahi Leandro Tilman hateten iha Tema ne’ebe hakerek ba Dame ho Paz liu liu husu ba Timor oan sira atu moris ho paz no Dame nia relata oras ne’e dadaun ita hare iha Media sira fo Sai kona ba Funu Entre Israel ho hamas ema rihun resin mak mate tamba funu no ema rihun resin mak kanek Grave, nia hatutan liu husi tema paz ho Dame hau deseiza ba ita hotu Koferensia ida ne’e bele lao ho diak.
Sorin Seluk Comandante Comando Polisia Munisipiu Manufahi Joni Viana das Regras hato’o mensajem ba sidadun hotu hotu atu moris iha paz no Dame liu liu iha Munisipiu Manufahi nia hatutan oras ne’e dadaun ita nia klima bailoron husu ba konsumidor tabaku sira karik fuma hotu atu soe tabaku nia rohan karik hamete tiha mak soe tamba iha hare iha kablaki ahi komesa suar iha sorin sorin tamba Manufahi ema husi rai liur no rai laran hakarak vizita ita tamba ita nia natureza mesak furak deit neduni husu ita hotu atu kuidadu ambiente labele sunu rai.
Entertanto Koferensia ne’e sei halao durante loron tolu nia laran konferensista sira mai husi Munisipiu Tolu mak hanesan Ainaro,Covalima no Manufahi Rasik Partisipa mos ho Pastores sira ne’ebe mai husi Dili.
Ekipa : rkm
