Manufahi RKM News == Loro Sexta feira 20/10 nee Cefobom realija enkontru preparasaun aktividade hodi komemora loron Nacional Juventude no loron masakre santa krus 12 de Novembru iha Manufahi.
Diretor Cefobom Munisipio Manufahi Anacleto Filipe hateten, inkontru ida ohin importante tebes hodi tau hamutuk hanoin ba preparasaun no aktividade sira neebe maka sei realija hodi komora loron nacional juventude no loron masakre santa kruz 12 de Novembru, ba tinan 2023 nian iha manufahi.
Tinan tinan ita hatene katak iha komemorasaun ne’e sei prense mos ho aktividade lubuk ida hanesan, seminario, misa limpeja, kalan reflexaun,
komemorasaun loron nacional nee sei selebra mos iha postu tolu hanesan Fatuberliu, Alas Turiscai inklui same rasik.
Fatin hanesan pontu focal MJDAK Livia Maria de Jesus informa. iha ministerio ida nee kada tinan ami sempre tau iha planu asaun anual kona ba selebrasaun loron masakre santa kruz, no loron ida nee tuir parlamentu nacional neebe maka aprova ona lei ida iha nu 10/2005 no konsidera loron ida nee hanesan loron feriadu nacional no loron nacional Juventude nian, iha tinan ida nee MJDAK apoio orsamentu ba kada centru juventude sira iha teritorio Timor laran tomak ho montante $66.500 dolares Amerikano no iha manufahi ho total $4,250 dorales amerikano ba postu Alas no Fatuberliu apoio $650 dolares ba Turiscai $1000 no Same vila $1,500 dolares Amerikano, orsamentu nee apoio ba aktividade sira neebe maka sei realija hodi komemora loron nacional juventude no loron masakre santa kruz.
Nune mos Kordenador komite 12 de Novembru Adalberto Ximenes relata,ami prontu apoio no kolabora , no sujere ba parte hotu hotu atu bele kopera servisu hamutuk para realija aktividade sira nee ho involvimentu ema hotu hotu nian para ema hotu senti no nain duni ba selebrasaun nee.
Reportagem:RKM
