Manufahi RKM News === Loron 27/10 STAE Manufahi hamutuk ho Autoridade Administrador Munisipiu no Administrador Posto fatin 4 Ofisialmente Distribui Material Sensitivo no la sentivo ba Centro Votasaun sira iha Resinto Administrasaun Munisipiu Manufahi Iha Diskursu Diretur STAE Munispiu Manufahi Angelo Corte-real hateten ohin ita distribui material Sensitivu no la sensitive ba Sentru votasaun iha Aldeia hamutuk 137. Diretor STAE Relata mos konaba Preparasaun hahu atividades sosializasaun liga ho Preparasaun ba eleisaun Orgaun do suco liliu ba ita nia prepasaun ba kandidatura sira ho diak para nune it abele iha prosesu nebe kredivel ka partisipativu nune ema hotu bele partisipa iha prosesu aprezenta kandidatura. Nia haktuir iha 13 de Outubro atividade aprezentasaun kandidatura nebe organiza meza eleitoral liu husi asembleia ka meza eleitoral suco husi ita nia pesoal suco ho mos ekipa nebe estabelese husi administrador Munisipal hodi apoiu ba ita nia prosesu aprezenta kandidatura lao ho sucesu, ita iha mos kandidatu lubuk mak aprezenta no partisipa nomero ba aprezenta kandidatura liu ba tinan hitu ba kotuk.
Iha Diskursu Administrador Munisipiu Manufahi Arantes Isaac Sarmetu Relata ita foin mak indepensia maibe ita hahu ho demokrasia ida ho diak maibe demokrasia ida diak ne’e semak atu garantia demokrasia ho diak ita sira ne’e hanesan Ajenti estadu sira ne’e tenki garante demokrasia ida ne’e ho didiak tamba ne’e mak eleisaun ba suco ida ita iha kandidatu hamutuk 157 iha feto 23 mak kandidatu ne’e buat nebe diak e mane iha 134, sira nebe re-kandidatu hamutuk 21 sira barak liu fahe ona informasaun ba sira nia kandidatura.
Administrador nia Mesazem ba administrador posto sira atu garantia eleisaun ne’e lao ho diak husu mos ba PNTL ho F-FDTL hahu husi ohin ba to rezultadu la iha ema ida halo disturbiu, se deit mak halo disturbiu ka halo provokasaun eleisaun ida ne’e ita bot sira nia responsabilidade ita bo’ot sira tau matan hare ida ne’e semak hakarak kria instabilidade durante eleisaun ida ne’e estadu nia forsa ne’e mak ita bo’ot sira FFDTL ho Polisia sira asegura ba se’e deit halo atuasaun ba ida ne’e no husu atu garante siguransa durante eleisaun ida ne’e durante ita nia material ida ne’e nia fatin.
Entretanto iha Distribuisaun Material sensitive ho la sentivu partisipa mazimo husi Diretor lina sektorais sira hotu iha Manufahi ho Diretora CNE Munisipiu Manufahi ho nia Funsionariu sira hotu no Brigada ho OSE hodi Apoiu eleisaun Orgaun Suco hetan siguransa mazimu husi PNTL ho F-FDTL apoiu mos husi Polisia Bateliaun Ordem (BOP). Observasaun Jornalista Radiu Komunidade 1912 Same iha Tereno nota katak ambiente lao hakmatek no klima loron manas.
Reportagem: RKM
