Manufahi RKM News-domingo (3/3) ohin Seremonia insar Bandeira ba da-huluk iha Munisipio Manufahi hodi komemora loron veteranus ba dala hitu (7) ho tema hamutuk ita Lao ba oin,
Presidente konselu konbatente libertasaun nasional Munisipio Manufahi Tobias Amaral Magno Maksakur hateten veteranos Munisipio Manufahi kopera ho Presidente autoridade Munisipio Manufahi hodi realiza seremonio hasae bandeira hodi komemora loron veteranos da-huluk iha Munisipio Manufahi,
Nia husu ba joven sira atu hare ba lema veteranos nian hamutuk Lao ba oin kria paz no estabilidade hodi desenvolvimento iha ita nia rain.
presidente autoridade Munisipio Manufahi hanesan inspetor da Seremonio Luis Marsal da Costa Tavares hateten tenke valoriza ita nia eroi sira ne’ebe husik hela sira nia vida tomak, família ,
No ba sira ne’ebe sei moris hamutuk hela ho ita tenke respeita no tane sira atu nune’e iha futuro hamutuk hodi dezenvolve ita nia rain,
hau husu ba joven sira no inan aman hotu atu tane nafatin obra veteranos nian hodi hare ba futuro, nia dehan.
iha tempo badak ami sei kria enkontru hamutuk hodi hare ba veteranos sira ne’ebe difesente, sira balu hetan ona direto maibe sei iha difícil no sira balu sedauk hetan direto,
ba oin hodi hadia no promove sira sei kria inkontru ho veteranos hodi halo plano hamutuk labele governo lokal mesak maibe konselu veteranos no tau ideia hamutuk.
Entretantu partisipa iha Seremonio hasae bandeira husi F. FDTL postu naval Betano, PNTL,Bombeiros, seguransa sivil, fusionario,estudante, komunidade postu same no veteranos.
