Manufahi RKM News ====Tersa feira 05/03 ohin Presidenti Autoridade Munisípio Manufahi halao vijita kortezia mai radio komunidade 1912 Same hodi hare direita kondisaun edificiu no problema ne’ebe maka voluntario radio komunidade sira hasoru durante servisu iha radio komunidade 1912 same.
Presidenti Autoridade Munisίpio Manufahi, Luis Marçal da Costa Tavares hateten, objetivu vijita mai radio komunidade hodi hare direita kondisaun radio neebe hari iha tinan naruk nia laran kondisaun nunka iha mudansa , no nia funsionario sira neebe maka servisu iha neeba ho kargu nafatin voluntario, entaun ho vijita ida nee, mai para lori rona no hare direita sira nia kondisaun no problema ne’ebe maka durante ne’e sira hasoru.
PAMM akresenta, governo halo investimentu oituan ba iha radio ida nee, entaun ita hanesan membru governu ita tenki promove no desenvolve diak liu tan ba oin,
Planu PAMM nian sei hari edificiu radio komunidade nian iha area eis Timor telekom atu nune sira bele halao servisu ho diak tamba Agora dadauk radio komunidade 1912 sira nia edificiu iha hela area dores turismu nian, inkului halibur jornalista sira iha munisipio manufahi bele hola parte hotu iha edificiu refere.
iha vijita ne’e failansu ne’ebe maka ita detekta maka nee, la iha fundus ne’ebe permanete ba voluntario sira.
Jestor radio komunidade 1912 Same Vasco da Costa Mendes agradese ba vijita husi PAMM, ho vijita ida nee ami mos bele relata situasaun no kondisaun neebe durante nee ami hasoru,
iha vijita ida nee mos ami bele rona imformasaun pozetivu balu, katak governu Timor Leste, liu husi SECOMS sei apoio fundus neebe maka boot ba teritorio radio komunidade sira iha teritorio Timor, inklui manufahi,
ami hakarak hateten deit katak, durante nee SECOMS apoio duni fundus transferensia publiku ba radio hotu-hotu inklui radio same,tuir kbiit no gerilia neebe maka lao,maibe ida nee la suficiente ba ami tamba fundus neebe la permanete.
alende nee mos radio komunidade hanesan centru ida hodi fahe imformasaun,hodi bele kapasita joven sira nia kapasidade no aumenta mentalidade bele muda foinsae sira nia karakter, hodi bele kompete iha kampu trabalho.
entretanto programa neebe maka lao durante nee iha radio komunidade 1912 maka hanesan talk show, noticia lokal,noticia nacional ne’ebe haruka husi diresaun, PSA, Drama, pakote edukativu , didikatorio, no debate,
Enquantu voluntario neebe servisu iha radio komunidade hamutuk ema nain neen (5) Hamutuk ho Estajiadu nain Tolu total ema nain Ualu.
Reportagem : Ekipa rkm
