Manufahi RKM News- kinta-Feira (07/03) ne’e Komandante jerál Polísia Nasional Timor-Leste (PNTL) halo vizita traballu iha Komandu Polísia munisípiu Manufahi hodi halo inkontru ho estrutura sira iha kuartel komandu polísia munisípiu Manufahi hodi rona sira nia prekupasaun no problema sira hasoru,
Komandante komandu polísia munisípiu Manufahi husu rai ho orsamentu hodi hari edifisiu foun ba komandu polísia munisípiu tanba kuartel polísia atuál iha puzada Same Prezidente Autoridade Munisípal (PAM) atu foti hodi dezenvovle sai séntru Turístika no komandu atu aselera uma Ofisiál Polísia Suku (OPS), presiza kazerna iha komandu eskuadra polísia.
presiza farda ba membru polísia hotu-hotu li-liu sira ne’ebé seidauk hetan,roupa gravida ba polisia feto sira, lei ruma hodi prevé abono de família PNTL, Prevé orsamentu fundu anual extra ba PNTL hotu-hotu (Binkisan) natál no tinan foun hanesan motivasaun ba iha família membru PNTL,nia dehan.
Komandu tenki tau atensaun ba funsionáriu sivil (cleaner) ne’ebé destaka iha komandu polísia munisípiu tanba subtitui hela ida ne’ebé dezigna an hodi serbisu hela nia seidauk sai funsionáriu sei iha difikuldade tinan barak nia laran,
Ami presiza kareta ida mai Komandu hodi apoiu serbisu polísia iha tereinu, Preve orsamentu ba sosa minólku hodi fasilita serbisu operasaun kontróla tasi laran no rai maran iha munisípiu 13 despásu lelaun husi komandu jerál ba motorizada OPS ne’ebé atinji ona tinan lima ba leten tuir sirkular ne’ebé komandante jerál Sesante senñor Julio Ornai iha nia intervensaun tempu ne’ebá,
Aliende ne’e presiza tau atensaun ba roupa detensaun ba detidu sira kada munisípiu, presiza hadia fali repiter ne’ebé aat hodi funsiona fila fali rádiu baze no rádiu tulun (headset).
No mos promosaun anumerta tanba ita halo ona promosaun maibé salariu tuir ninia promosaun bainhira sarjentu ida mate halo tiha promosaun maibé salariu simu la tuir fali ida ne’e presiza tán standarte maka komandu polísia munisípiu tanba standarte balun nakles no aat tiha ona,
Nune’e Manufahi presiza tan ofisiais nain 7 hodi asúmi kárgu hanesan Komandante esquadra Fatuberliu, segundu Komandante ba postu 4, seksaun tranzitu, seksaun intelejen bázeia ba lei organika PNTL artigu 80 pontu 6, artigu 82 pontu 4-5.
Ami presiza kompleta mobiliariu iha kazerna PNTL munisípiu, presiza tau atensaun ba loron importante ne’ebé UNPOL ne’ebé entrega responsavel seguransa mai iha PNTL”nia aprezenta.
Asistenti superintendenti polísia ne’e dehan, presiza cek up saúde ba membru hotu iha munisípiu Manufahi kada fulan 6. komandu jerál presiza prepara alfaiati ida ne’ebé fiksu no kualidade ba PNTL,bolsu estudu ne’ebé oferese husi UNTL ba PNTL ne’e, atu fó asésu mós ba komandu PNTL munisípiu sira.
Hataan ba rekomendasaun sira ne’e Komandante komandu polísia jerál Timor Leste komisariu jerál Henrique da Costa hateten komandu iha prioridade balun ne’ebé prepara hodi fó atinjimentu ba instituisaun ne’ebé alinamentu ho programa governu nian prioridade ne’ebé maka iha hamutuk lima (5) no prioridade refere uluk produz ona banner ki’ikoan ida haruka mai Komandu nune’e kontinua ba esquadra hotu ne’ebé hahú husi tinan 2023-2026.
priodadade primeiru hadia no jestaun iha institusional ne’e buka oinsá atu jere iha kna’ar sira hodi halo rekooperasaun Komadante munisípiu, xefe departamentu, ka impelementa reforma, hadia PNTL ninia disiplina inklui hadia iha internal polísia, Maske balun impelementa ona no balun seidauk impelementa,
No hafórsa lejislasaun sira hanesan halo harmoniza lei ne’ebé uluk existi ona maibé la fó benefisiu ba instituisaun no mós ita hirak ne’ebe maka halo serbisu.
Maske ita hare lei refere la fó benefisiu maibé ejiziensia sira dehan ona membru sira tenki reforma ho dígnu maibé sei hare fali ba artigu ida ne’ebé ko’alia kona-ba reforma ho dígnu,artigu ida ne’ebé maka ko’alia kona-ba reforma tenki fó netik promosaun ruma no artigu hirak ne’ebé ko’alia kona-ba atu fó osan ba sira,
Maibé dala ruma ita nia idade tama ona ba idade reforma, maibé ita nia osan ba kreditu ne’e seidauk hotu, Ne’e duni komandu identifika hela ida ne’e maibé tanba lei la hateten buat ida entaun ita labele halo buat ida.
Nune’e ekipa traballu halo hela artigu ida tenki klaru nebe’e ema ruma reforma tenki halo promosaun,fó subsidiu ruma mós tenki temin iha ne’ebá komandu labele naran impelementa, se implementa foti osan iha ne’ebé ho ida ne’e maka sei halo uluk harmonizasaun,
iha lei organika hateten katak komandante esquadra no segundu seksaun maibé iha fali rejime remodelatoriu sira ne’ebe hetan kárgu ne’e tenki hetan osan subsidiu xefia ninian maibé iha rejime remodelatoriu temin de’it sira seluk maibé komandante esquadra no segundu la temin,
dadaun ne’e komandante no segundu komandante esquadra sei la hetan osan subsidiu ba kargu xefia ninian ita hakarak halo fila fali harmonizasaun nune’e Komandante esquadra no segundu hodi hetan osan ba kargu xefia ninian ida ne’e foin dadaun halo ona diskusaun haruka ona ba Minsiteriu interiór bele aprezenta ba konsellu Minístru hodi aprova.
Ita nia prioridade terseiru kona-ba kooperasaun institusional tanba polísia mesak labele halo buat ida tanba ba dadaun ne’e polísia iha Timor-Leste hamutuk rihun haat rua nulu resin lima maibé kompara ho volume númeru populasaun TL iha 1.3 no halo ba Radio polísia ida sei serbí populasaun kuaze atus 335,
Maibé ba dadaun ne’e polísia fahe tiha 60 ba apoiu tiha serbisu imigrasaun, APC, balun moras permanente, balun suspensaun, balun rejigna a’an, balun tuir kursu iha rai li’ur no barak eskoltu pesoal tiha, Ne’e duni númeru polísia hodi halo atendimentu ba komunidade ne’e minimu liu.
Sebisu presiza kolaborasaun ho parte Igreja, veteranus, PDHJ, no parte hotu hodi apoiu polísia nia serbisu inklui halo mós kooperasaun ho ajensia internasional sira husi rai li’ur hanesan Indonézia, Portugál, Austrália, Malayzia no Amérika, Japaun no Nova Zelándia hodi oferese kursu.
komandu ninia planu prioridade maka hakarak atu hadia kualidade atendimentu publiku liliu ba komunidade bainhira atende ho respeitu, bainhira pasa revista ho etika ne’ebé mak di’ak maske komunidade komete hela erru ruma, Maibé hetan ona formasaun no treinamentu ne’e duni tenki atendimentu ho komunidade ne’e halo didiak.
buka atu hametin paz no estabilidade seguransa interna ne’ebé hakerek ona iha Konstitusaun RDTL no lei organika PNTL. Tanba ne’e komandu sei realiza aktividades Polísiamentu Komunitariu, relojiozu, desportu ba komandu ida-idak atu garantia paz no estabilidade hodi komunidade bele sente seguru”nia reforsa.
husu polísia iha komandu atu hasae liu tán aktividades ba prevensaun sira hodi Prevé, bainhira iha fatin balun ema barak no sira seluk polísia ninia prezensa tenki iha.
Entretanto vizita ne’e membru PNTL komandu polísia munisípiu Manufahi nain tolu entrega Atributu organizasaun PSHT ba komandu jerál PNTL.
