Manufahi RKM News===kuarta (20/03) ohin Diretor Saris Haburas Comunidade SHC ho Lideransa Komunitariu no komunidade sira kuda ai oan hun 176 hodi proteje ba rai afetadu ba risku dezastre iha suku tutuluro postu administrativu same manufahi.
Diretor Ezekutivu SHC Eusebio Abrantes hateten lansamento kuda Aii oan ba fatin ne’ebe maka risku lá bele halo rai monu hodi konservasaun Bee matan atu nunue labele maran iha tempu bailoro.
Nune’e eduka komunidade sira bainhira tesi ona ai maibe tenke hanoin kuda fila fali.
atividade ida ne’e kontinuasaun ba atividade estabelesimento nebe halo iha suku tutuluro iha 2022 kona ba jestaun besik ba dezastre.
Ai oan sira hetan apoio husi ita nia agrikultura manufahi diresaun floresta ai nebe foti husi Betanu.
ai oan nebe maka koloka ba suku tutuluro 176 kompostu husi ai oan kaharu,mahoni,ai-samplon kakeu caria no hedan hodi kuda ba sira nebe rai halai no be matan sira.
Xefe Suku Tutuluro Benedito Amaral husu ba komunidade sira kuda ai oan ba rai ida nebe maka labele fo ameasa ba ita, no kuda tia ai oan labele haluhan tenki kuidadu didiak atu nune’e satan netik rai nebe maka durante ne ameasa ba vida, nudar autoridade suku tutuluro agradese ba shc nebe maka durante ne’e la haluhan suku tutuluro i nemos hodi distribui ai oan sira ba komunidade sira nebe maka presiza.
komunidade Marcelino da Costa Tilman hatutan ami senti kontenti NGO SHC oferese ai oan mai ami hodi proteze ami nia suku no rai ida ne’e tanba tempu udan rai sempre dodok rai halai no mota sobu.
Entertantu partisipa husi lancamento kuda ai oan ne’e chefe aldeia delegadu delegada komunidade no joven.
Reportagem : Ekipa Rkm /Bety & Zya