Manufahi RKM News—Tersa Loron (18-07),Programa Nasionál Dezenvolvimentu Suku (PNDS) intréga Uma Naroman Ba Povu (UNP) Hamutuk 12 Ba Benefisiáriu Iha Suku Holarua Postu Administrativu Same Munisípiu Manufahi
Tuir Diretór PNDS Munsípiu Manufahi Moniz Dosreis Fernandes Hateten Durante Projétu UNP Iha Postu Administrativu Same Uníku Suku Holarua Mak di’ak Liu .
“Suku Holarua hau dehan di’ak tamna Konstrusaun hotu lalais No Kompletu Kedas Ho material no Gestaun ne’ebé di’ak ida ne’e Ita apresia ”
Nune’e mós Administradór Postu Administrativu Same Adelino Costa de Araújo hateten Nu’udar Autóridade Agradese ba Xefi Suku ho nia Estrutura Tamba bele Identifika Benefisiáriu sira Hodi hetan UNP
“Tamba ne’e Husu Ba Benefisiáriu sira Atu Koidadu Didiak Tamba Programa UNP ne’e ita garantia Kualidade Ne’ebé mak di’ak ”
Alende Uma Naroman ba Povu ne’e Merese atu Hodi fasilita Ba família Kbi’it laek sira bainhira intréga ona tenki hela iha uma ne’e no la bele fo Aluga No la bele fan.
“Tamba ne’e uma Ne’e Rasik Bainhira intréga ona Karik Faillansu Iha Materiál balun Governu la iha ona responsabilidade Atu hadia tamba ne’e tenki hela Ho Koidadu “dehan Administradór Postu
Fatin Hanesan Benefisiáriu Uma Naroman Ba Povu Husi Aldeia Fatuku Suku Holarua Postu Administrativu Same Silveru Tilman Senti kontenti tamba bele hetan uma Naroman Ba Povu hodi fasilita sira hodi hela iha uma ne’ebé dígnu
Entertantu Uma Naroman ba Suku Ne’e Kompletu Ho Fasilidade Uma Laran nian Inklui Dapur no Haris Fatin