Manufahi RKM News—- Tersa Loron (18-07),Administradór Munisípiu Manufahi, konvoka inkontru ho diretúr servisu munisipais no kompaña lokál sira, voluntáriu Apoiu kompaña lokál ne’ebé ho voluntáriu atu harii ponte temporáriu iha mota aba-tú, hodi fasilita movimentasaun transporte públiku iha sidade kapitál Munisípiu Manufahi.
Administradór Munisípiu Arantes hateten, impaktu udan bo’ot rezulta ponte aba-tú kotu totál, hodi prejudika movimentasaun komunidade sira, atu asésu ba merkadu, eskolá inklui funsionáriu publiku sira, tanba ne’e iha ona kompaña lokal balun, ho voluntáriu hakarak harii ponte temporáriu ida iha ponte aba-tú, hodi fasilita lalais sirkulasaun transporte Públiku, hodi hein kontrusaun foun ba ponte mota aba-tú.
Nia relata, hahu semana ne’e nia laran kompaña refere hahú mobiliza matéria atu harii ponte temporáriu, tanba ne’e liuhusi inkontru ne’e, husu direitu servisu munisipais no kompaña lokal sira, ho voluntáriu Apoiu hodi harii ponte temporáriu ne’e.
Komandante operasaun protesaun sivíl, komandante interinu PNTL munisipiu, Administradór postu Same, prontu atu mobiliza funsionáriu publiku sira, halo servisu ho voluntáriu nune’e bele normaliza sirkulasaun transporte Públiku iha sidade kapitál Munisípiu Manufahi