Sekretáriu Estadu Komunikasaun Sosiál, Expedito Loro Dias Ximenes, partisipa konferénsia internasionál ministrus Asosiasaun ba Nasaun Sudeste Aziátiku (ASEAN sigla Ingles) ba-dala-16 ho tema “Mídia: Husi Informasaun ba Koñesimentu ba ASEAN Reziliente ho Kapasidade ba Resposta”.
Konferénsia ne’e hala’o hahú husi loron 20 to’o 23 iha Provínsia Da Nang-Vietnam, hetan partisipasaun husi ministru sira ba assuntu informasaun nian husi ASEAN inklui Tailándia, Filipina, Malázia, Singapura, Indonézia, Brunei Darusalam, Vietnam, Myanmar, Laos no Kamboja. Timor-Leste partisipa hanesan observadór prinsipal, nune’e mós nasaun tolu ne’ebé la’ós membru ba organizasaun aziátiku ne’ebé hanesan parseiru prinsipál inklui Xina, Japaun no Korea Súl.
Sekretáriu Estadu konsidera tópiku ho extrema importánsia iha panorama mediátiku ne’ebé ninia evolusaun la’o lalais loos, hodi subliña pontu de vista no prespetiva katak, meiu komunikasun sira dezempeña papel krusial no iha fornesimentu notísias i informasaun ba públiku, atu nunee bele mantein nafatin ema hotu informadu kona-ba akontesimentu sira maka la’o dadaun no promove nafatin sensibilizasaun ba kestaun importantes.
Meiu komunikasun sira mos funsiona hanesan plataforma ba konteúdu edukativu, dokumentários no rekursu seluk tan ne’ebé maka transmite koñsimentu ba ema.
Meiu komunikasun sira mos forne konteúdu luan tebes ba entretenimentu, inklui filmes, programas televizaun, músika no desportu, nune katak tempu seluk livre sai hosi rotin loro-loron nian.
Tanba ne’e, mosu ona internet no teknolojia dijital halo mos revolusaun distribuisaun iha media, hodi permite komunikasaun global ho tempu real, publikasaun online, redes sosial, no hamosu plataforma media digital.
Maski nune’e, panorama atual iha meiu komunikasaun sosial, iha dalan atu obtein koñesimentu ezatus no fiavel hodi hasoru mós dezafiu tanba faktor barak ne’ebé maka difikulta koñwsimentu.
Dezafiu prinsipal ida maka proliferasaun ba desinformasaun no notisias falsas.
Ho aumenta rede sosiál barak no fasilidade fahe ka partilla informasaun, maka konteudu falsu ka ema bosok sira bele tan espalla lalais, nune’e halo difisil tan de’it ema atu bele halo ko’alia kona-ba faktu sira no fiksaun nian.
Ho dezafiu sira hotu maka iha intervensaun, Sekretáriu Estadu subliña, literasia mediátika refere ba kapasidade atu hetan, análiza, avalia no hamosu tan meius komunikasaun ho formatu oioin. Permite ba ema bele halo avaliasaun ho forma krítika no iha ezatidaun, fiabilidade no kredibilidade kona-ba informasaun ne’ebé maka sira hetan.
Katak bainhira dezenvolve diak kompeténsias literasia mediátika nian, ema bele identifika fontes ne’ebé maka viavel ka bele fiar, verifika faktus no distingui ka halo distinsaun entre opiniaun ka informasun objetiva.
Iha era atual ne’ebé iha “notísias falsas” no movuimentu desinformasaun nunee, maka literasia mediátika funsiona hanesan salvaguarda ida hsoru kontra ba bosok.
Konsidera katak ida ne’e nu’udar dezafiu ne’ebé naka países da ASEAN bele no tenki enfrenta hamutuk.
Promove literasia mediátika, hanoin krítiku no insentiva imprensa livre maibé responsável.
Rekupera konfiansa ema nian iha imprensa séria no mos kapasitasaun atu bele destingi informasaun kredível desinformasaun nian ou notísia falsu.
